Multibagger Stock: સોના જેવો શેર, 4 વર્ષમાં આપ્યું 7100% રીટર્ન, ₹1.5 લાખ બન્યા 1 કરોડ
Transformers and Rectifiers India Share Return: ટ્રાન્સફોર્મર્સ અને રેક્ટિફાયર ઇન્ડિયાએ જૂન 2024માં QIPમાંથી રૂ. 500 કરોડ એકત્ર કર્યા હતા. કંપની જુલાઈ-સપ્ટેમ્બર 2024 ક્વાર્ટર અને એપ્રિલ-સપ્ટેમ્બર 2024ના અર્ધવાર્ષિક ગાળાના નાણાકીય પરિણામો 8 ઓક્ટોબર, 2024ના રોજ જાહેર કરશે. સપ્ટેમ્બર 2024ના અંત સુધીમાં પ્રમોટર્સ પાસે કંપનીમાં 66.16 ટકા હિસ્સો હતો.
Multibagger Share: શેરબજારમાં કયો શેર રોકાણકારોને માલામલ કરી દે એનું કંઇ ન કહિ શકાય, એક સમયે ચિલ્લર ગણાતો સ્ટોક આજકાલ રોકાણકારોનો ફેવરીટ થઇ ગયો છે. આ શેર છે ટ્રાન્સફોર્મર્સ અને રેક્ટિફાયર ઇન્ડિયા છે. (Transformers and Rectifiers India)
કંપની ભારે વિદ્યુત ઉપકરણોનું ઉત્પાદન કરે છે. છેલ્લા 4 વર્ષમાં આ શેર રૂ. 9.31 થી રૂ. 671 સુધી પહોંચ્યો છે અને રોકાણકારોને લાખપતિ-કરોડપતિ બનાવ્યા છે. ટ્રાન્સફોર્મર્સ એન્ડ રેક્ટિફાયર ઇન્ડિયાનું માર્કેટ કેપ રૂ. 10,000 કરોડ છે. વર્ષ 2024માં અત્યાર સુધીમાં શેરની કિંમત 180 ટકા વધી છે.
4 વર્ષમાં ₹50000 થી ₹36 લાખ કમાયા- BSE ડેટા અનુસાર, 5 ઓક્ટોબર, 2020 ના રોજ ટ્રાન્સફોર્મર્સ અને રેક્ટિફાયર ઇન્ડિયાના શેરની કિંમત 9.31 રૂપિયા હતી. BSE પર 5 ઓક્ટોબર 2024 ના રોજ શેરની કિંમત 671 રૂપિયા છે. આ રીતે, શેરે છેલ્લા 4 વર્ષમાં 7107 ટકા વળતર આપ્યું છે. જો આપણે આ વળતરના આધારે ગણતરી કરીએ તો, જો કોઈએ 4 વર્ષની કિંમતે શેરમાં રૂ. 10,000નું રોકાણ કર્યું હોય અને હજુ સુધી શેર વેચ્યા ન હોય, તો રોકાણ રૂ. 7.20 લાખમાં રૂપાંતરિત થયું હશે. રૂ. 50,000નું રોકાણ રૂ. 36 લાખમાં ફેરવાઈ ગયું હશે, રૂ. 1 લાખનું રોકાણ રૂ. 72 લાખમાં અને રૂ. 1.5 લાખનું રોકાણ રૂ. 1 કરોડથી વધુમાં ફેરવાઈ જશે.
Transformers and Rectifiers India ના શેર એક વર્ષમાં 320% મજબૂત થયા છે- એક વર્ષમાં, સ્ટોક લગભગ 320 ટકા અને 6 મહિનામાં 50 ટકાથી વધુ મજબૂત થયો છે. BSE પર 13 જૂન, 2024ના રોજ શેરે રૂ. 845.70ની 52 સપ્તાહની ઊંચી સપાટી જોઈ હતી. 26 ઓક્ટોબર, 2023ના રોજ રૂ. 142.10ની 52 સપ્તાહની નીચી સપાટી નોંધાઈ હતી.
સમગ્ર નાણાકીય વર્ષ 2024 માટે કંપનીનો નફો વધીને રૂ. 47.01 કરોડ થયો છે, જે એક વર્ષ અગાઉ રૂ. 42.35 કરોડ હતો. જોકે, નાણાકીય વર્ષ 23માં કુલ આવક રૂ. 1,404.66 કરોડથી ઘટીને રૂ. 1,300.50 કરોડ થઈ હતી.