Stock Split: રોકાણ કરવા માટે ઉત્તમ તક, 824 રૂપિયાનો આ શેર 5 ભાગમાં વહેંચાશે
કંપનીએ જાહેરાત કરી છે કે તેના ₹10ની ફેસ વેલ્યુ સાથેનો એક શેર 5 ભાગોમાં વહેંચવામાં આવશે. કંપનીની ફેસ વેલ્યુ 2 રૂપિયા થઇ જશે.કંપનીના ઉત્પાદનોમાં સ્પોન્જ આયર્ન, પિગ આયર્ન, ડક્ટાઇલ આયર્ન પાઇપ્સ, TMT બાર અને ફેરો ક્રોમનો સમાવેશ થાય છે.
જો તમે શેરબજારમાં રસ ધરાવો છો તો જય બાલાજી ઈન્ડસ્ટ્રીઝ તમારા માટે એક મોટી તક લઈને આવ્યું છે. કંપનીએ જાહેરાત કરી છે કે તેના ₹10ની ફેસ વેલ્યુ સાથેનો એક શેર 5 ભાગોમાં વહેંચવામાં આવશે.
હવે એક શેરની ફેસ વેલ્યુ માત્ર ₹2 હશે. પણ ધ્યાન રાખજો, આ પરિવર્તનનો લાભ લેવા માટે આજે છેલ્લી તક છે. કંપનીએ આવતીકાલ એટલે કે 17મી જાન્યુઆરીને “રેકોર્ડ ડેટ” તરીકે નક્કી કરી છે. આનો અર્થ એ છે કે, ફક્ત તે જ લોકો આ સ્ટોક સ્પ્લિટનો લાભ લઈ શકશે જેમની પાસે 16 જાન્યુઆરી સુધી આ કંપનીના શેર હશે.
જય બાલાજી ઇન્ડસ્ટ્રીઝ એ ભારતની અગ્રણી સ્ટીલ કંપનીઓમાંની એક છે. કંપનીના ઉત્પાદનોમાં સ્પોન્જ આયર્ન, પિગ આયર્ન, ડક્ટાઇલ આયર્ન પાઇપ્સ, TMT બાર અને ફેરો ક્રોમનો સમાવેશ થાય છે. તેમની “બાલાજી શક્તિ” બ્રાન્ડ TMT બાર બિલ્ડરો અને સિવિલ એન્જિનિયરોમાં ખૂબ પ્રખ્યાત છે.
કંપનીની સ્થાપના 1999માં થઈ હતી અને ત્યારથી તેણે પૂર્વ ભારતમાં સ્ટીલ ઉત્પાદનની દુનિયામાં મજબૂત પગપેસારો જાળવી રાખ્યો છે. કંપનીના ઉત્પાદન કેન્દ્રો પશ્ચિમ બંગાળ અને છત્તીસગઢમાં છે.
સ્ટોક સ્પ્લિટ શેરની ફેસ વેલ્યુ ઘટાડે છે, નાના રોકાણકારો માટે તેને ખરીદવાનું સરળ બનાવે છે. આ પગલાનો હેતુ વધુ રોકાણકારોને ઉમેરવાનો અને શેરબજારમાં શેરની તરલતા વધારવાનો છે.