અંડર 19 એશિયા કપ 2023: ભારતીય ટીમમાં એક માત્ર ગુજરાતી ખેલાડીને મળ્યુ સ્થાન, જાણો તેના રેકોર્ડ
બીસીસીઆઈએ અંડર 19 એશિયા કપ 2023 માટે ભારતીય ટીમની જાહેરાત આજે એટલે કે 25 નવેમ્બર કરી છે. જેમાં 15 ખેલાડીઓ અને અન્ય 3 રિઝર્વ ખેલાડીઓની જાહેરાત કરી છે. ત્યારે આ વખતે એક ગુજરાતી ખેલાડીને પણ આ ટીમમાં સ્થાન મળ્યું છે.
અંડર 19 એશિયા કપ 2023 માટે 19 વર્ષના ઓલરાઉન્ડર ખેલાડી ઉદય સહરનને ભારતીય ટીમનો કેપ્ટન અને વાઈસ કેપ્ટન તરીકેની જવાબદારી મધ્યપ્રદેશના સૌમ્ય કુમાર પાંડેને સોંપવામાં આવી છે.
ગુજરાતના ખેલાડી રૂદ્ર મયૂર પટેલને અંડર 19 એશિયા કપ 2023માં સ્થાન મળ્યું છે. જે રાઈટ હેન્ડ બેટ્સમેન અને બોલર છે. રૂદ્ર પટેલનો જન્મ 26 નવેમ્બર 2005માં થયો છે. તેનું વતન નડિયાદ છે.
રૂદ્ર પટેલે અત્યાર સુધી 100 મેચ રમી છે. જેમાં તેનો સૌથી શ્રેષ્ઠ વ્યક્તિગત સ્કોર 164 રન છે. જે તેને આ વર્ષે 17 નવેમ્બરે બનાવ્યો છે. રૂદ્રએ અત્યાર સુધી 15 સદી અને 28 અડધી સદી ફટકારી છે.
ત્યારે જો બોલિંગની વાત કરવામાં આવે તો 100 મેચમાં રૂદ્રએ 59 વિકેટ લીધી છે. બોલિંગમાં તેનો સર્વશ્રેષ્ઠ રેકોર્ડ 5/23 છે.
ફિલ્ડિંગમાં પણ રૂદ્રનો રેકોર્ડ ઓછો નથી. તેને 42 કેચ પકડ્યા છે અને 3 વખત રન આઉટ કર્યા છે.
Published On - 9:07 pm, Sat, 25 November 23