એશિયન ગેમ્સ ઓપનિંગ સેરેમની : ચીનમાં ભારતીય ખેલાડીઓનો મજબૂત અંદાજ

ચીનના હાંગઝોઉમાં 19મી એશિયન ગેમ્સ 2023ની ઓપનિંગ સેરેમની યોજાઈ હતી, જેમાં ભારતીય ખેલાડીઓએ પણ ભાગ લીધો હતો. ભારતીય ટીમ ઓપનિંગ સેરેમનીમાં મેદાનમાં પહોંચતા જ 'ભારત-ભારત'ના નારા લાગ્યા હતા. હોકી ટીમના કેપ્ટન હરમનપ્રીત સિંહ અને ઓલિમ્પિક મેડલ વિજેતા બોક્સર લોવલિનાએ ભારતીય ધ્વજ લઈને ટીમનું નેતૃત્વ કર્યું હતું. ભારતીય પુરૂષ ખેલાડીઓ ગોલ્ડન કલરના કુર્તા અને બ્લ્યુ કલરના ટ્રાઉઝર્સમાં તથા મહિલા ખેલાડીઓ ગોલ્ડન કલરની સાડીમાં ભારતીય પરિધાનમાં સુંદર લાગી રહ્યા હતા. ચીનમાં ભારતના નામની ગુંજ ઉઠી હતી.