TV9 GUJARATI | Edited By: Ashvin Patel
Nov 13, 2022 | 1:41 PM
ટી-20 વર્લ્ડ કપમાં ટીમ ઈન્ડિયાની શરમજનક હારથી ચાહકોનું દિલ તૂટી ગયું છે. મેલબોર્ન ક્રિકેટ ગ્રાઉન્ડ પર યોજાનારી ફાઈનલમાં ભલે ટીમ ઈન્ડિયા નહીં હોય પણ ભારતનો અવાજ ચોક્કસ સાંભળવામાં આવશે. અમે વાત કરી રહ્યા છીએ ભારતીય મૂળની ઓસ્ટ્રેલિયન પોપસ્ટાર જાનકી ઈશ્વરની.(Janaki Eswar Instagram)
ફાઈનલ મેચ પહેલા મેલબોર્નમાં રંગારંગ કાર્યક્રમ યોજાશે. આ કાર્યક્રમમાં જાનકી પરફોર્મન્સ આપવા જઈ રહી છે. 13 વર્ષીય સિંગર MCGમાં રોક બેન્ડ આઈસહાઉસ સાથે ગાશે. દીકરીની આ સફળતાથી પરિવાર ઘણો ખુશ છે. (Janaki Eswar Instagram)
જાનકી ગયા વર્ષે ઓસ્ટ્રેલિયાના રિયાલિટી શો 'ધ વોઈસ'માં સૌથી નાની વયની ગાયિકા તરીકે આવી હતી અને તમામ નિર્ણાયકોનું દિલ જીતી લીધું હતું. અહીંથી તેને ઘણી લોકપ્રિયતા મળી અને તે આખા દેશમાં ફેલાઈ ગઈ.(Janaki Eswar Instagram)
જાનકીની માતા દિવ્યા અને પિતા અનૂપ દિવાકરણ કેરળના રહેવાસી છે અને ત્યાંથી મેલબોર્નમાં સ્થાયી થયા છે. જાનકીનો જન્મ અને ઉછેર અહીં જ થયો હતો. જાનકીને સંગીતમાં રસ હતો. તેમણે નાનપણથી જ ગીતો લખવાનું અને ગાવાનું શરૂ કર્યું હતું. દીકરીને મોટી તક આપવાની ઈચ્છા સાથે દિવ્યા અને અનૂપ તેને રિયાલિટી શોમાં લઈ ગયા.(Janaki Eswar Instagram)
જાનકીનું કહેવું છે કે આ ખાસ અવસર પર તે પોતાના દેશના પોશાકમાં જોવા મળશે. જ્યારે તે પહેલીવાર ધ વોઈસ માટે ઓડિશન આપવા ગઈ હતી ત્યારે પણ તે કેરળમાં પહેરવામાં આવતા કપડા પહેરીને આવી હતી. ફરી એકવાર તે આંતરરાષ્ટ્રીય સ્તર પર પોતાના દેશનું પ્રતિનિધિત્વ કરતી જોવા મળશે.(Janaki Eswar Instagram)
Published On - 1:34 pm, Sun, 13 November 22