સ્મૃતિ મંધાના એ કરી બતાવી શિખર ધવન જેવી કમાલ, તાબડતોડ રન મારી બનાવ્યો નવો રેકોર્ડ
Smriti Mandhana એ ભારતીય મહિલા ક્રિકેટ ટીમની બેસ્ટ ખેલાડીમાંથી એક છે. તે પોતાની બેટથી નવા રેકોર્ડ બનાવી રહી છે. હાલ તેણે ઈંગ્લેન્ડ સામેની મેચમાં એક નવો રેકોર્ડ બનાવ્યો છે.
સ્મૃતિ મંધાના હાલ તેના બેસ્ટ ફોમમાં છે. તેના બેટમાંથી જાણે રનનો વરસાદ થઈ રહ્યો છે. હાલમાં ઈંગ્લેડ સામેની બીજી વનડેમાં તેણે એક નવો રેકોર્ડ પોતાના નામે કર્યો છે.
કેન્ટરબરીમાં ઈંગ્લેન્ડ સામેની બીજી વન ડે મેચમાં ભારતીય મહિલા ટીમની ઓપનર સ્મૃતિ મંધાનાએ 40 રન બનાવ્યા અને તેની સાથે જ વન ડેમાં તેણે 3000 રન પૂરા કર્યા હતા. તે 3000 રન પૂરા કરનાર ભારતની ત્રીજી મહિલા ક્રિકેટર બની છે.
આ પહેલા હરમનપ્રીત કૌર અને મિતાલી રાજ દ્વારા આ રેકોર્ડ બનાવવામાં આવ્યો હતો. પણ સ્મૃતિ આવું કરનાર સૌથી ઝડપી ભારતીય ખેલાડી બની છે. તેણે 76 ઈનિગ્સમાં આ કામ કરી બતાવ્યુ છે.
તે મહિલા ક્રિકેટમાં સૌથી ઓછી ઈનિગ્સમાં 3000 રન પૂરા કરનાર ત્રીજી ખેલાડી બની છે. આ પહેલા 62 ઈનિગ્સ સાથે આ રેકોર્ડ ઓસ્ટ્રેલિયાની ખેલાડી બેલિન્ડા ક્લાર્કને નામે હતો.
ભારતીય પુરુષ ક્રિકેટરોમાં પણ સ્મૃતિ આગળ છે. ભારતીય ખેલાડીઓમાં આ રેકોર્ડ શિખર ધવને 73 ઈનિગ્સમાં અને વિરાટ કોહલીએ 75 ઈનિગ્સમાં બનાવ્યો હતો.