French Open માં ધમાલ મચાવનારી સ્ટાર ખેલાડીએ લેસ્બિયન હોવાનુ કર્યુ એલાન, ગર્લફ્રેન્ડ સાથેની રોમેન્ટિક તસ્વીર શેર કરી
રશિયાની સ્ટાર ટેનિસ ખેલાડી ડારિયા કાસાટકીના (Daria Kasatkina) એ તાજેતરમાં જ જાહેરાત કરી છે કે તે લેસ્બિયન છે. તેના આ ખુલાસા બાદ રશિયામાં ખળભળાટ મચી ગયો છે. તે રશિયામાં ગેરકાયદેસર છે અને લોકો હજુ પણ એલજીબીટી સમુદાય અથવા ગે સંબંધોથી સહજ નથી.
રશિયાની સ્ટાર ટેનિસ ખેલાડી ડારિયા કાસાટકીનાએ તાજેતરમાં જ જાહેરાત કરી છે કે તે લેસ્બિયન છે. તેના આ ખુલાસા બાદ રશિયામાં ખળભળાટ મચી ગયો છે. તે રશિયામાં ગેરકાયદેસર છે અને લોકો હજુ પણ એલજીબીટી સમુદાય અથવા ગે સંબંધોથી સહજ નથી.
રશિયન બ્લોગર વિત્યા કારાવચેન્કો સાથેની વાતચીતમાં, આ વર્લ્ડ નંબર 12 ખેલાડીએ કહ્યું કે તે ફૂટબોલર નાદ્યા કાર્પોવાની ચાહક છે જેણે તાજેતરમાં પોતે સમલૈંગીક હોવાની વાત કરી હતી. આ પછી બ્લોગરે તેને પૂછ્યું કે શું તે કોઈ છોકરીને ડેટ કરી રહી છે? ડારિયાએ તરત જ કહ્યું - હા, મારી એક ગર્લફ્રેન્ડ છે.
પોતે લેસ્બિયન હોવા અંગે વાત કરતાં તેણે કહ્યું, 'તમારી સાચી જાતને છુપાવવી શક્ય નથી. લાંબા સમય સુધી આ કરી શકતા નથી. તે એકદમ મુશ્કેલ છે અને તેનો કોઈ અર્થ નથી. તમે ક્યારે અને કેવી રીતે તેની જાહેરાત કરવા માંગો છો તે તમારા પર છે.
ડારિયાએ કહ્યું કે તે જાણતી હતી કે તેના પગલાની રશિયામાં ટીકા કરવામાં આવશે, પરંતુ તે તેના માટે તૈયાર હતી. તેમણે કહ્યું, 'આવી બાબતો વિશે વાત કરવી જરૂરી છે. જેના કારણે જે યુવાનો મુશ્કેલીનો સામનો કરી રહ્યા છે તેમને સપોર્ટ મળવો જોઈએ. સ્પોર્ટ્સ સાથે જોડાયેલા મોટા લોકોએ આ વિશે વાત કરવી જોઈએ.
આ પછી જ તેણે તેની ગર્લફ્રેન્ડ સાથેની તસવીર સોશિયલ મીડિયા પર શેર કરી અને ખુલ્લેઆમ તેના સંબંધોનો ખુલાસો કર્યો. ડારિયાની ગર્લફ્રેન્ડ નતાલિયા ઝબિયાકો ફિગર સ્કેટર છે. 1994માં જન્મેલી નતાલિયાએ 2014માં રશિયન નાગરિકતા મેળવી હતી. 2018 વિન્ટર ઓલિમ્પિકમાં, તેણે પેર સ્કેટિંગમાં સિલ્વર મેડલ જીત્યો.