Rich Tennis Players : ટેનિસમાં ટોપ રેન્કિંગ હાંસલ કરનાર સૌપ્રથમ પોલિશ ખેલાડી ‘ઈગા સ્વિયાતેક’
ઈગા સ્વિયાતેક એક પોલેન્ડની પ્રોફેશનલ મહિલા ટેનિસ ખેલાડી છે. વુમન્સ ટેનિસ એસોસિએશન (WTA) દ્વારા મહિલા સિંગલ્સમાં તેણીને વિશ્વ નંબર 1 તરીકે સ્થાન આપવામાં આવ્યું હતું. સ્વિયાતેક ચાર વખતની મેજર સિંગલ્સ ચેમ્પિયન છે, જેણે 2020, 2022 અને 2023માં ફ્રેન્ચ ઓપન અને 2022માં યુએસ ઓપન જીત્યા હતા. તે પોલેન્ડનું પ્રતિનિધિત્વ કરતી પ્રથમ ખેલાડી છે જેણે મુખ્ય સિંગલ્સ ટાઇટલ જીત્યા હતા. તેણીએ કુલ 15 WTA ટૂર-લેવલ ટાઇટલ જીત્યા છે. તે વિવહવની સૌથી અમીર મહિલા ટેનિસ ખેલાડીઓમાં એક છે.
ઈગા સ્વિયાતેકનો જન્મ 31 મે 2001ના રોજ પોલેન્ડમાં ડોરોટા અને ટોમાઝ સ્વિયાતેકને ત્યાં થયો હતો. તેણીના પિતા ભૂતપૂર્વ રોવર છે જેમણે 1988 સિઓલ ઓલિમ્પિક્સમાં પુરુષોની ક્વાડ્રપલ સ્કલ્સ સ્પર્ધામાં ભાગ લીધો હતો. તેની માતા ઓર્થોડોન્ટિસ્ટ છે.
જુનિયર લેવલે ઈગા સ્વિયાતેક 2018 ફ્રેન્ચ ઓપન ગર્લ્સ ડબલ્સ ચેમ્પિયન અને 2018 વિમ્બલ્ડન ગર્લ્સ સિંગલ્સ ચેમ્પિયન બની હતી.
સ્વિયાતેકે 2019માં WTA ટૂરમાં રમવાનું શરૂ કર્યું હતું. 18 વર્ષની ઉંમરે તે 2019 ફ્રેન્ચ ઓપનમાં ચોથા રાઉન્ડમાં પહોંચી હતી અને ટોચ 50 મહિલા ખેલાડીઓમાં સામેલ થઈ હતી.
2020માં સ્વિયાતેકે તેની કારકિર્દીનું સૌપ્રથમ ગ્રાન્ડસ્લેમ મહિલા સિંગલ્સ ટાઇટલ ફ્રેન્ચ ઓપન ટાઈટલ જીત્યું હતું.
ફ્રેન્ચ ઓપન જીત્યા બાદ તેણી મે 2021માં પ્રથમ વખત WTA રેન્કિંગના ટોપ ટેનમાં પ્રવેશી હતી.
કતાર અને ઇન્ડિયન વેલ્સ ખાતે 2022માં બેક-ટુ-બેક WTA 1000 ટાઇટલ બાદ સ્વિયાતેક કારકિર્દીના ટોપ રેન્કિંગ પર પહોંચી હતી.
વર્લ્ડ નંબર 1 એશલે બાર્ટીની નિવૃત્તિ બાદ ઈગા સ્વિયાતેક વર્લ્ડ નંબર 1 મહિલા ટેનિસ ખેલાડી બની હતી.
ટેનિસ ઇતિહાસમાં ટેનિસમાં ટોપ રેન્કિંગ હાંસલ કરનાર ઈગા સ્વિયાતેક સૌપ્રથમ પોલિશ ખેલાડી બની હતી.
ઈગા સ્વિયાતેકે વર્ષ 2022માં ફ્રેન્ચ ઓપન અને યુએસ ઓપન ટાઇટલ જીત્યા હતા.વર્ષ 2023માં સ્વિયાતેકે ત્રીજી વખત ફ્રેન્ચ ઓપન જીત્યું હતું.
ચાર ગ્રાન્ડસ્લેમ ચેમ્પિયન ઈગા સ્વિયાતેક કારકિર્દીમાં સૌથી વધુ પ્રાઇઝ મની જીતનાર ખેલાડીઓમાં એક છે. સ્વિયાતેકે 165 કરોડથી વધુ પ્રાઇઝ મની જીતી ચૂકી છે. (all photo courtesy: google)