Neymar Jr. Transfer News: રોનાલ્ડો બાદ નેમાર પણ સાઉદી અરેબિયામાં મચાવશે ધમાલ, Al Hilal સાથે 160 મિલિયન યુરોની ડીલ લગભગ નક્કી
Saudi Arabian club Al Hilal : રોનાલ્ડો સાઉદીમાં, મેસ્સી અમેરિકામાં અને હાલેન્ડ જેવા ફૂટબોલર ઈંગ્લિશ પ્રીમિયર લીગમાં ધમાલ મચાવી રહ્યા છે. આ બધા વચ્ચે વધુ એક દમદાર ફૂટબોલર સાઉદી અરેબિયા ફૂટબોલમાં ધમાલ મચાવવા માટે તૈયાર છે.
પેરિસ સેન્ટ-જર્મન ફૂટબોલ કલબનો સુપરસ્ટાર નેમાર સાઉદી અરેબિયન ક્લબ અલ-હિલાલ સાથે જોડાવા જઈ રહ્યો છે. જોકે, હજુ આ વાતની આધિકારીક જાહેરાત થઈ નથી. (PC - Twitter)
ફ્રાન્સના અગ્રણી સ્પોર્ટ્સ ડેઇલી L'Equipeએ રવિવારે તેની વેબસાઇટ પર જણાવ્યું હતું કે PSG અને બ્રાઝિલ ફોરવર્ડને બે સિઝનમાં કુલ 160 મિલિયન યુરો ($175 મિલિયન) મળશે. (PC -PSG)
ક્લબનું કહેવું છે કે , નેમાર PSG માંથી બહાર નીકળવા માટે આગળ વધી રહ્યો છે અને ઉનાળાના ટ્રાન્સફર વિન્ડો દરમિયાન તે ક્લબ છોડી શકે છે. (PC -AFP)
31 વર્ષીય બ્રાઝિલિયન 6 વર્ષ પહેલા 222 મિલિયન યુરો (હવે $244 મિલિયન) ની વર્લ્ડ-રેકોર્ડ ફી માટે બાર્સેલોનાથી PSGમાં જોડાયો હતો. (PC - Neymar Twitter)
પીએસજીને પહેલેથી જ Mbappe માટે અલ-હિલાલ તરફથી વિશ્વ-વિક્રમી $332 મિલિયનની બિડ મળી હતી, જે તેના કરારના છેલ્લા વર્ષમાં છે અને ટ્રાન્સફર સ્ટેન્ડઓફમાં ફસાઈ ગયો છે. હવે નેમાર અને અલ હિલાલ વચ્ચેની ડીલ નક્કી જણાઈ રહી છે. (PC -PSG)
Published On - 8:48 pm, Mon, 14 August 23