Rich Tennis Players : બે વિમ્બલ્ડન સહિત સહિત કુલ 31 ટાઇટલ જીતનાર દમદાર મહિલા ટેનિસ ખેલાડી ‘પેટ્રા ક્વિટોવા’
ચેક રિપબ્લિકની સૌથી સ્ટાર ટેનિસ ખેલાડી પેટ્રા ક્વિટોવા પ્રતિભાશાળી મહિલા ટેનિસ ખેલાડીઓમાં એક છે જે તેની હાઇટ, દમદાર રમત, શક્તિશાળી ડાબા હાથના ગ્રાઉન્ડસ્ટ્રોક અને વિવિધતાભરી રમત માટે જાણીતી છે. ક્વિટોવાએ 2011 અને 2014માં વિમ્બલ્ડન ગ્રાન્ડસ્લેમ ટાઇટલ સહિત કુલ 31 કારકિર્દી સિંગલ્સ ટાઇટલ જીત્યા છે. 31 ઓક્ટોબર 2011ના રોજ તેણીએ કારકિર્દીની હાઈએસ્ટ રેન્કિંગ નંબર 2 હાંસલ કર્યું હતું. તે સૌથી વધુ પ્રાઇઝ મની જીતનાર વિશ્વની પાંચમી મહિલા ખેલાડી છે.
ડાબા હાથની પેટ્રા ક્વિટોવાએ ટેનિસ કારકિર્દીનું સૌપ્રથમ ગ્રાન્ડસ્લેમ ટાઇટલ વર્ષ 2011માં જીત્યું હતું. આ તેનું પહેલું વિમ્બલ્ડન ટાઇટલ પણ હતું.
વિમ્બલ્ડન ફાઇનલમાં પેટ્રા ક્વિટોવાએ સ્ટાર મહિલા ટેનિસ ખેલાડી મારિયા શારાપોવાને હરાવી ટાઇટલ જીત્યું હતું.
પેટ્રા ક્વિટોવાએ વર્ષ 2014માં તેની કરિયરનું બીજું મહિલા સિંગલ્સ ગ્રાન્ડસ્લેમ વિમ્બલ્ડન ટાઇટલ કબજે કર્યું હતું. જે તેનું છેલ્લું સિંગલ્સ ટાઈટલ છે.
2016 રિયો ઓલિમ્પિકમાં પેટ્રા ક્વિટોવાએ ચેક રિપબ્લિકનું પ્રતિનિધિત્વ કરતી વખતે મહિલા સિંગલ્સમાં ઓલિમ્પિક બ્રોન્ઝ મેડલ પણ જીત્યો હતો.
ક્વિટોવા 2019 ઓસ્ટ્રેલિયન ઓપનમાં ફાઇનલ મેચમાં નાઓમી ઓસાકા સામે હારી ગઈ હતી અને ત્રીજું ગ્રાન્ડસ્લેમ જીતવાથી ચૂકી ગઈ હતી. 2020 ફ્રેન્ચ ઓપન સેમી ફાઇનલમાં તે ઇગા સ્વિયાતેક સામે 6-2 , 6-1થી હારી ગઈ હતી.
બે વખતની વિમ્બલ્ડન ચેમ્પિયન પેટ્રા ક્વિટોવાએ તેના લાંબા સમયના પાર્ટનર અને કોચ જીરી વેનેક સાથે 23 જુલાઈ 2023ના દિવસે લગ્નની જાહેરાત
પેટ્રા ક્વિટોવા ટેનિસમાં સૌથી વધુ પ્રાઇઝ મની જીતનાર મહિલાઓની લિસ્ટમાં પાંચમા ક્રમે છે. ક્વિટોવાએ અત્યારસુધી 310 કરોડથી વધુ પ્રાઇઝ મની ટેનિસની વિવિધ ટુર્નામેન્ટમાં રમી જીતી છે. તેણીની કુલ સંપત્તિ આશરે 380 કરોડથી વધુ છે. (all photo courtesy: google)
