FIFA World Cup 2026: મેસ્સી નહીં, આ ખેલાડી છે આર્જેન્ટિનાના ચેમ્પિયન બનવાની ગેરંટી, હાર્યો નથી એક પણ વર્લ્ડ કપ મેચ
લિયોનેલ મેસ્સીનો આર્જેન્ટિનાની સફળતામાં મોટો ફાળો રહ્યો છે, તેણે ટીમના ગોલ અને આસિસ્ટનું નેતૃત્વ કર્યું છે. જોકે, ટીમમાં એક એવો ખેલાડી પણ છે જે આર્જેન્ટિનાની પ્લેઈંગ ઈલેવનમાં રમતા વર્લ્ડ કપમાં ક્યારેય એક પણ મેચ હાર્યો નથી. અને તે આ ટીમનો લકી ચાર્મ છે. ચાલો જણીએ કોણ છે આ ખેલાડી.
આર્જેન્ટિના અને સ્પેન વચ્ચે 2026 FIFA વર્લ્ડ કપ ફાઇનલ મેચ પર સૌ કોઈ ધ્યાન આપશે. ટીમના પ્રદર્શન અને એક પણ મેચ હાર્યા ન હોય તેવા ખેલાડીની હાજરીને કારણે આર્જેન્ટિનાને ફરી એકવાર ટાઇટલનું દાવેદાર માનવામાં આવે છે.
આ ખેલાડી ટીમનો કેપ્ટન લિયોનેલ મેસ્સી નથી, પરંતુ મિડફિલ્ડર એલેક્સિસ મેકએલિસ્ટર છે. મેકએલિસ્ટર વર્લ્ડ કપના ઇતિહાસમાં એક પણ મેચ હાર્યા વિના સૌથી વધુ મેચ રમવાનો રેકોર્ડ ધરાવે છે.
મેકએલિસ્ટરે અત્યાર સુધીમાં આર્જેન્ટિના માટે 13 વર્લ્ડ કપ મેચ રમી છે, જેમાંથી 11 મેચ નિયમિત સમયમાં જીતી છે. જ્યારે બે ડ્રો રહી હતી, અને આર્જેન્ટિનાએ તે બંને મેચ પેનલ્ટી શૂટઆઉટ દ્વારા જીતી હતી.
મેકએલિસ્ટર કતારમાં થયેલા ગત વર્લ્ડ કપમાં પણ આર્જેન્ટિનાની ટીમનો ભાગ હતો, તેણે સેમિફાઇનલમાં ગોલ પણ કર્યો હતો. આર્જેન્ટિનાએ તે વર્લ્ડ કપ જીત્યો હતો.
પરંતુ રસપ્રદ વાત એ છે કે આ ફાઇનલમાં આર્જેન્ટિનાના મેકએલિસ્ટરનો મુકાબલો સ્પેનના ફેબિયન રુઇઝ સામે થશે. રુઇઝનો એક ખાસ રેકોર્ડ પણ છે. તેણે સ્પેન માટે 49 આંતરરાષ્ટ્રીય મેચ રમી છે અને ક્યારેય એક પણ મેચ હાર્યો નથી. આનો અર્થ એ છે કે ફાઇનલમાં કોઈ એકનો સિલસિલો તૂટી જશે. (PC: Getty Images)
