ન્યુઝીલેન્ડને કારણે ફરી ભારતનું સ્વપ્ન તૂટ્યું, ક્રિકેટથી લઈને હોકી સુધી 4 વર્ષમાં ચોથી વાર મળી હાર
ક્રિકેટથી લઈને હોકી સુધી છેલ્લા 4 વર્ષમાં એવી ચાર ઘટના બની છે, જ્યારે ન્યુઝીલેન્ડની ટીમે મહત્વની મેચમાં ભારતની ટીમને હરાવી હોય છે. આજે પણ એવી જ એક ઘટના બની છે. ચાલો જાણીએ 4 વર્ષમાં બનેલી એ 4 દુભાગ્યપૂર્ણ ક્ષણો વિશે.
વર્ષ બદલાયા છે પણ ન્યુઝીલેન્ડે પોતાનું જૂનું કામ છોડ્યું નથી. આજે ફરી એકવાર ન્યુઝીલેન્ડની ટીમે ભારતીય સ્પોર્ટસ ફેન્સને નિરાશા આપી છે.
આજે 22 જાન્યુઆરીના રોજ થયેલી હોકી વર્લ્ડ કપ 2023ની ક્રોસ ઓવર મેચમાં ભારતીય ટીમને પેનલ્ટી શૂટઆઉટમાં 4-5થી હારનો સામનો કરવો પડ્યો છે. જેને કારણે ભારતીય ટીમ વર્લ્ડ કપમાંથી બહાર થઈ ગઈ છે.
વર્ષ 2021ની વર્લ્ડ ટેસ્ટ ચેમ્પિયનશિપની ફાઈનલ મેચમાં ભારતીય ટીમને હારનો સામનો કરવો પડયો હતો.
વર્ષ 2021ના ટી-20 વર્લ્ડ કપમાં ગ્રુપ સ્ટેજની એક અગત્યની મેચમાં ન્યુઝીલેન્ડે ભારતને હરાવી, વર્લ્ડ કપમાં આગળ પહોંચવાની આશા પર પાણી ફેરવી દીધું હતું.
વર્ષ 2019માં સેમીફાઈનલ મેચમાં દરેક ભારતીયોનું દિલ તૂટી ગયું હતું, જ્યારે ધોનીના રનઆઉટ સાથે જ ભારતીય ટીમને ન્યૂઝીલેન્ડ સામે હારનો સામનો કરવો પડયો હતો. અને ભારતીય ટીમ વનડે વર્લ્ડ કપમાંથી બહાર થઈ ગઈ હતી.