Neeraj Chopra ની ઓલિમ્પિક થી World Championship માં સિલ્વર સુધીની આવી રહી સફર Photos
ઓલિમ્પિક ચેમ્પિયન નીરજ ચોપરા (Neeraj Chopra) એ હવે વર્લ્ડ એથ્લેટિક્સ ચેમ્પિયનશિપમાં પણ ભારતના મેડલના દુકાળનો અંત લાવી દીધો છે. નીરજે અમેરિકાના યુજેનમાં વર્લ્ડ ચેમ્પિયનશિપ (World Athletics Championship) માં સિલ્વર મેડલ જીતીને ઈતિહાસ રચ્યો હતો.
એક વર્ષ પહેલા ટોક્યો ઓલિમ્પિકમાં ગોલ્ડ મેડલ માટે ભારતની રાહનો અંત લાવનાર સ્ટાર એથ્લેટ નીરજ ચોપડાએ ફરી કમાલ કર્યો છે. ઓલિમ્પિક ચેમ્પિયન નીરજે હવે વર્લ્ડ એથ્લેટિક્સ ચેમ્પિયનશિપમાં પણ ભારતના મેડલના દુકાળનો અંત લાવી દીધો છે. નીરજે અમેરિકાના યુજેનમાં વર્લ્ડ ચેમ્પિયનશિપમાં સિલ્વર મેડલ જીતીને ઈતિહાસ રચ્યો હતો.
નીરજે સૌપ્રથમ 2016 માં ભારતીય રમતગમતના દ્રશ્યો અને ભારતીય ચાહકોમાં પોતાની ઓળખ બનાવી હતી. ત્યારબાદ નીરજે પોલેન્ડમાં આયોજિત અંડર-20 વર્લ્ડ એથ્લેટિક્સ ચેમ્પિયનશિપ (વર્લ્ડ જુનિયર ચેમ્પિયનશિપ) માં ગોલ્ડ મેડલ જીતીને સૌને ચોંકાવી દીધા હતા. નીરજે 86.48 મીટરનું અંતર હાંસલ કરીને ન માત્ર નવો રાષ્ટ્રીય રેકોર્ડ બનાવ્યો, પરંતુ જુનિયર વર્લ્ડ રેકોર્ડ પણ બનાવ્યો.
નીરજનું પરાક્રમ આગળ પણ ચાલુ રહ્યું અને તેણે બીજા જ વર્ષે એટલે કે 2017માં એશિયન એથ્લેટિક્સ ચેમ્પિયનશિપનું ટાઇટલ પણ જીત્યું. ભુવનેશ્વરમાં યોજાયેલી ચેમ્પિયનશિપમાં નીરજે 85.23 મીટર સુધી બરછી ફેંકીને ગોલ્ડ જીત્યો હતો. (તસવીરઃ AFI)
ઝડપથી પોતાની ઓળખ બનાવી રહેલા નીરજને 2018ની કોમનવેલ્થ ગેમ્સમાં બીજી મોટી સફળતા મળી. ઓસ્ટ્રેલિયાના ગોલ્ડ કોસ્ટમાં યોજાયેલી ગેમ્સમાં નીરજે એકતરફી અંદાજમાં 86.47 મીટર સાથે ગોલ્ડ જીત્યો હતો.
માત્ર એક મહિના પછી, નીરજને એશિયન ગેમ્સમાં તેની ચોથી મોટી સફળતા મળી. નીરજે 2018 જકાર્તા એશિયાડમાં પણ એકતરફી સફળતા મેળવી હતી. નીરજે 88.06 મીટર સાથે ન માત્ર ગોલ્ડ જીત્યો પણ પોતાનો જ રાષ્ટ્રીય રેકોર્ડ પણ તોડ્યો.
ત્રણ વર્ષ પછી, નીરજની કારકિર્દી અને ભારતીય એથ્લેટિક્સના ઇતિહાસમાં સૌથી મોટી સફળતા આવી. 7 ઓગસ્ટ, 2021 ના ઐતિહાસિક દિવસે, નીરજ ચોપરાએ એથ્લેટિક્સમાં જે કોઈ ભારતીય ખેલાડી કરી શક્યો ન હતો. ટોક્યોમાં તેના પહેલા જ ઓલિમ્પિકમાં, નીરજે અનુભવીઓથી ભરેલા મેદાનમાં 87.58 મીટરના અંતરથી બરછી ફેંકીને ઐતિહાસિક ગોલ્ડ મેડલ જીત્યો અને આ રીતે ગોલ્ડન હેટ્રિક પૂર્ણ કરી.
Published On - 9:05 am, Sun, 24 July 22