વર્લ્ડ ચેમ્પિયન Neeraj chopra ઝ્યુરિચ ડાયમંડ લીગમાં ચમક્યો, ફાઇનલમાં ક્વોલિફાય થયો
વર્લ્ડ ચેમ્પિયનશિપમાં ગોલ્ડ જીતનાર નીરજ ચોપરા (Neeraj chopra)ઝ્યુરિચ ડાયમંડ લીગમાં પ્રથમ સ્થાન મેળવવાથી થોડાક સેન્ટિમીટરથી ચૂકી ગયો હતો. જેમાં તેણે બીજું સ્થાન મેળવ્યું હતું.
નીરજ ચોપરા ઝુરિચ ડાયમંડ લીગની ભાલા ફેંક ઈવેન્ટમાં બીજા સ્થાને રહ્યો હતો. જેમાં નીરજે 85.71 મીટરનો સર્વશ્રેષ્ઠ થ્રો કર્યો હતો. આ લીગ (85.86 મીટર)માં ચેક રિપબ્લિકનો જેકબ વડલેચ પ્રથમ ક્રમે રહ્યો હતો. આ સાથે નીરજે ડાયમંડ લીગની ફાઈનલ માટે ક્વોલિફાય કરી લીધું છે.
તમને જણાવી દઈએ કે ડાયમંડ લીગની ફાઈનલ મેચ 16-17 સપ્ટેમ્બરે અમેરિકાના યુજેનમાં રમાશે. મુરલી શ્રીશંકરે 7.99 મીટર સાથે લાંબી કૂદમાં પાંચમું સ્થાન મેળવ્યું હતું. શ્રીશંકર પણ ફાઈનલ માટે ક્વોલિફાઈ થઈ ગયો છે.
વર્લ્ડ ચેમ્પિયનશિપમાં ગોલ્ડ જીતનાર નીરજ ચોપડા ઝ્યુરિચ ડાયમંડ લીગમાં પ્રથમ સ્થાન માટે થોડા સેન્ટિમીટરથી ચૂકી ગયો. જેમાં તેણે બીજું સ્થાન મેળવ્યું હતું. વર્લ્ડ ચેમ્પિયનશિપમાં બ્રોન્ઝ જીતનાર ચેક રિપબ્લિકના જેકબ વાડલેચે આ વખતે 85.86 મીટરના અંતરે બરછી ફેંકીને પ્રથમ સ્થાન મેળવ્યું હતું.
નીરજ ચોપડા ગયા રવિવારે બુડાપેસ્ટમાં 88.17 મીટર ભાલો ફેંકીને પ્રથમ વખત વર્લ્ડ ચેમ્પિયન બન્યો હતો. મીડિયા રિપોર્ટ્સથી પ્રાપ્ત માહિતી અનુસાર, જેવલિન થ્રોઅર નીરજ ચોપરા પાસે વર્લ્ડ ચેમ્પિયન બન્યાના ચાર દિવસ બાદ જ પોતાની જીતનો સિલસિલો જાળવી રાખવાનો મોટો પડકાર હતો.
આ પહેલા હંગેરીના બુડાપેસ્ટમાં યોજાયેલી વર્લ્ડ એથ્લેટિક્સ ચેમ્પિયનશિપ 2023માં નીરજ ચોપરાએ ગોલ્ડ મેડલ જીતનાર પ્રથમ ભારતીય બનીને ઈતિહાસ રચ્યો હતો. તેણે પુરૂષોના ભાલા ફેંકની ફાઇનલમાં 88.17 મીટરના શ્રેષ્ઠ થ્રો સાથે આ સિદ્ધિ હાંસલ કરી હતી.તેણે તેના પ્રથમ થ્રો (88.77m) સાથે ફાઇનલમાં ક્વોલિફાય કર્યું હતું અને ફાઇનલમાં વર્લ્ડ-ક્લાસ થ્રોરો સામે ટોચ પર આવ્યો હતો. ક્વોલિફાઇંગ રાઉન્ડમાં તેના પ્રયાસથી તેણે પેરિસ ઓલિમ્પિક 2024 માટે પણ ક્વોલિફાય કર્યું.
2023માં તેના ગોલ્ડ વિજેતા પ્રદર્શન પહેલા, નીરજ ચોપરાએ 2022 માં ઓરેગોન વર્લ્ડ ચેમ્પિયનશિપમાં ઐતિહાસિક સિલ્વર મેડલ પણ જીત્યો હતો. 2003માં લોંગ જમ્પર અંજુ બોબી જ્યોર્જના બ્રોન્ઝ મેડલ બાદ વર્લ્ડ એથ્લેટિક્સ ચેમ્પિયનશિપમાં આ ભારતનો બીજો મેડલ હતો. નીરજ ચોપરાનું પ્રદર્શન સારું અને સતત પ્રભાવશાળી રહ્યું છે.
