Neeraj Chopra Love story : નીરજ ચોપરાની લાઈફમાં કેવી રીતે હિમાની મોરની એન્ટ્રી થઈ, રસપ્રદ છે ખેલાડીની લવસ્ટોરી
ભારતના ઓલિમ્પિક સ્ટાર નીરજ ચોપરાએ અચાનક લગ્ન કરી ચોંકાવી દીધા હતા. તેમણે ટેનિસ ખેલાડી હિમાની મોર સાથે લગ્ન કર્યા છે. હાલમાં બંન્નેના લગ્નના ફોટો સોશિયલ મીડિયા પર વાયરલ થઈ રહ્યા છે. તો આજે આપણે નીરજ ચોપરાની લવ સ્ટોરી વિશે વાત કરીશુ.
નીરજ ચોપરાના કાકાના જણાવ્યા મુજબ, બંનેની પહેલી મુલાકાત અમેરિકામાં થઈ હતી. ભલે લોકો તેમની લવસ્ટોરી વિશે વધુ જાણતા નથી, પરંતુ તેમણે બે મહિના પહેલા જ તેમના લગ્નનું આયોજન કરી લીધું હતું. લગ્ન કરવાનો નિર્ણય અચાનક લેવામાં આવ્યો કારણ કે નીરજ 2028 ઓલિમ્પિક સુધી ખૂબ જ વ્યસ્ત છે.
નીરજના કાકા કહે છે કે બંને બાળકો એક જ ક્ષેત્રના છે અને એકબીજાને સારી રીતે ઓળખે છે, તેથી પરિવારને કોઈ સમસ્યાનો સામનો કરવો પડ્યો નહીં.લગ્ન કરાવનાર પંડિત પણ નીરજ ચોપરાને ઓળખી શક્યા ન હતા. લગ્નનો સમારોહ 3 દિવસ સુધી ચાલ્યો હતો.ખાસ વાત એ છે કે, નીરજ ચોપરાએ લગ્નના દહેજમાં માત્ર 1 રુપિયો લીધો છે.
તમને જણાવી દઈએ કે, હિમાની ટેનિસ ખેલાડી રહી ચૂકી છે. હિમાની નેશનલ લેવલ પર મહિલા સિંગલમાં બેસ્ટ રેન્કિંગ 42 અને મહિલા ડબલ્સમાં સર્વશ્રેષ્ઠ રેકિંગ 27મું રહ્યું છે. નીરજે ટેનિસ ખેલાડી હિમાની મોર સાથે લગ્ન કર્યા. જેમાં નજીકના મિત્રો અને પરિવારના સભ્યો હાજર રહ્યા હતા.
