Milkha Singh grandson won title : 11 વર્ષની ઉંમરમાં મિલ્ખા સિંઘના પૌત્ર એ મચાવી ધમાલ, USમાં લહેરાવ્યો તિરંગો
Milkha Singh grandson won title: મિલ્ખા સિંઘ એક એવા એથલિટ હતા જેમણે પોતાની મહેનતથી ભારતને દુનિયામાં અલગ અલગ સમયે ગૌરવ અપાવ્યું હતું. મિલ્ખા સિંઘના પૌત્ર હરજય મિલ્ખા પણ આ જ રસ્તા પર આગળ વધ્યો છે. તેણે વિદેશમાં ભારતનું નામ રોશન કર્યું છે.
મિલ્ખા સિંઘના પૌત્ર હરજય મિલ્ખા એ અમેરિકામાં ધમાલ મચાવી છે. હરજય એ અમેરિકા અંડર 12 ગોલ્ફ ચેમ્પિયશિપનો ખિતાબ જીતી લીધો છે. તે યૂએસએ કિડ્સ યૂરોપિયન ગોલ્ફ ચેમ્પિયનશિપમાં પોતાના પરિવારનું નામ રોશન કરવામાં સફળ રહ્યો છે.
મિલ્ખા સિંઘના નિધન બાદ હરજયની આ મોટી જીત છે. જૂન 2021માં ભારતના મહાન એથલિટ મિલ્ખા સિંઘનું નિધન થયું હતું. તેમને પણ ગોલ્ફનો શોખ હતો. તેઓ પોતાના પુત્ર અને પૌત્ર સાથે ઘણીવાર ગોલ્ફ રમતા જોવા મળતા હતા.
મિલ્ખા સિંઘનો પુત્ર જીવ મિલ્ખા દેશના સૌથી મોટા ગોલ્ફરમાંથી એક છે. હવે તેમનો પૌત્ર પણ આ જ રાહ પર નીકળી પડયો છે. 11 વર્ષના હરજય એ પોતાનો આ ખિતાબ દાદા-દાદીને સમર્પિત કરી દીધો છે.
હરજય પોતાના દાદા મિલ્ખા સિંઘની ખુબ જ નજીક હતો. યૂએસએ કિડ્સ ચેમ્પિયનશિપમાં દુનિયાના ટોપ અંડર 12 ખેલાડીઓએ ભાગ લીધો હતો. તે બધામાંથી હરજય એ 211નો સ્કોર કરીને ખિતાબ પોતાના નામે કર્યો હતો.
મિલ્ખા સિંઘ ભારતીય દોડવીર હતા. રોમ ખાતે વર્ષ 1960ના ગ્રીષ્મ ઓલિમ્પિક તથા ટોક્યો ખાતે વર્ષ 1964ના ગ્રીષ્મ ઓલિમ્પિકમાં ભારતનું પ્રતિનિધિત્વ કર્યું હતું. એમને "ઉડતા શીખ" તરીકેનું ઉપનામ આપવામાં આવ્યું હતું.
Published On - 6:50 pm, Fri, 2 June 23