Manu Bhaker Medals : મનુ ભાકરના બંને ઓલિમ્પિક મેડલ પરત લેવામાં આવશે, આ છે કારણ
ભારતની સ્ટાર શૂટર મનુ ભાકરે પેરિસ ઓલિમ્પિકમાં દેશ માટે બે મેડલ જીત્યા હતા. તેણે 10 મીટર એર પિસ્તોલમાં બે બ્રોન્ઝ મેડલ જીત્યા હતા. પરંતુ હવે તેના બંને મેડલ પાછા લેવામાં આવશે અને તેની પાછળ એક ખાસ કારણ છે. જાણો શું છે મામલો?
પેરિસ ઓલિમ્પિક ઓર્ગેનાઈઝિંગ કમિટીએ મોનાઈ ડી પેરિસને મેડલ બનાવવાનો કોન્ટ્રાક્ટ આપ્યો હતો. તે એક સરકારી માલિકીની કંપની છે જે ફ્રાન્સ માટે સિક્કા અને અન્ય ચલણનું ઉત્પાદન પણ કરે છે. રિપોર્ટ અનુસાર, કંપની આગામી સપ્તાહમાં એથ્લેટ્સના તમામ ક્ષતિગ્રસ્ત મેડલને બદલી દેશે. ફ્રેન્ચ કંપની મોનાઈ ડી પેરિસે દરેક મેડલમાં એફિલ ટાવરમાંથી લોખંડના ટુકડાનો ઉપયોગ કર્યો હતો. આ કંપનીએ ઓલિમ્પિક ગેમ્સ માટે 5,084 ગોલ્ડ, સિલ્વર અને બ્રોન્ઝ મેડલ બનાવ્યા હતા.
મનુ ભાકરે પ્રથમ વખત મહિલાઓની 10 મીટર એર પિસ્તોલ સ્પર્ધામાં બ્રોન્ઝ જીત્યો હતો, આ સાથે તે કોઈપણ ઓલિમ્પિકમાં મેડલ જીતનારી ભારતની પ્રથમ મહિલા શૂટર બની હતી. આ પછી, મનુએ સરબજોત સિંહ સાથે ભાગીદારી કરીને મિક્સ 10 મીટર એર પિસ્તોલ ટીમ ઈવેન્ટમાં વધુ એક બ્રોન્ઝ મેડલ જીત્યો. દેશની આઝાદી બાદ એક ઓલિમ્પિકમાં બે મેડલ જીતનારી તે પ્રથમ ભારતીય બની હતી. (All Photo Credit : PTI)
Published On - 11:05 pm, Tue, 14 January 25
