ITTF Ranking: Manika Batra અને Archana Kamathની જોડીએ રચ્યો ઈતિહાસ, એવું કર્યું જે પહેલાં ક્યારેય થયું ન હતું
ભારતની સ્ટાર મહિલા ટેબલ ટેનિસ ખેલાડી મનિકા બત્રા અને તેની પાર્ટનર અર્ચના કામથને મંગળવારે જાહેર કરવામાં આવેલી ટેબલ ટેનિસ ફેડરેશનની તાજેતરની રેન્કિંગમાં ફાયદો થયો છે.
ભારતની સ્ટાર મહિલા ટેબલ ટેનિસ ખેલાડી મનિકા બત્રાની આ જોડી તાજેતરમાં ડબલ્યુટીટી સ્ટાર સ્પર્ધક દોહા 2022માં મહિલા ડબલ્સ કેટેગરીની સેમિફાઇનલમાં હારી ગઈ હતી. સેમિફાઇનલમાં પહોંચીને આ જોડી બ્રોન્ઝ મેડલ જીતવામાં સફળ રહી હતી.(ITTF Photo)
આ જોડીને આ બ્રોન્ઝ મેડલનો ફાયદો થયો છે અને તેઓ હાલના રેન્કિંગમાં ટોપ-5માં સ્થાન મેળવવામાં સફળ થયા છે. મણિકા બત્રા અને કામથની જોડી તાજેતરની રેન્કિંગમાં બે સ્થાનનો ફાયદો ઉઠાવીને ચોથા સ્થાને આવી ગઈ છે. આ કોઈપણ શ્રેણીમાં ભારતનું સર્વોચ્ચ રેન્કિંગ છે. આ જોડીના હવે 1501 પોઈન્ટ છે. નંબર વન પર ચીનની વાંગ મન્યુ અને સન યિંગશાની જોડી છે. (File Photo)
મહિલા ડબલ્સ વ્યક્તિગત રેન્કિંગની વાત કરવામાં આવે તો અર્ચના કામથને પણ અહીં ફાયદો થયો છે. તે એક સ્થાન આગળ વધીને ટોપ-10માં પહોંચી ગઈ છે. તેણે 10મું સ્થાન મેળવ્યું. સાથે જ મનિકાને એક પદનો ફાયદો પણ થયો છે. તે 12મા સ્થાને પહોંચી ગઈ છે.(File Photo)
ભારતની સુતીર્થ મુખર્જી અને આહિયા મુખર્જીએ મહિલા ડબલ્સ રેન્કિંગમાં બે સ્થાનનું નુકસાન થયું છે. આ જોડી હવે 32મા સ્થાને આવી ગઈ છે. શ્રીજા અકુલા સેલેના સેલ્વકુમારની જોડીને પણ નુકસાન થયું છે. આ જોડી પણ બે સ્થાન નીચે 57માં સ્થાને પહોંચી ગઈ છે. ( File Photo)
મહિલા સિંગલ્સ કેટેગરીના રેન્કિંગની વાત કરીએ તો મનિકા બત્રા 48માં સ્થાને છે. સુતીર્થા બીજા સ્થાનેથી સરકીને 64મા સ્થાને પહોંચી ગઈ છે. મેન્સ સિંગલ્સમાં અચંતા શરથ કમલ બે સ્થાનથી સરકીને 38મા સ્થાને અને જી સાથિયાન 39મા સ્થાને છે.(File Photo)