14 વર્ષ બાદ Real Madridનો સાથ છોડશે Benzema, જાણો તેની પાછળનું કારણ
Real Madrid Karim Benzema : સાઉદી ફૂટબોલ લીગનો દબદબો હવે ધીરે ધીરે વધી રહ્યો છે. રોનાલ્ડો એ અલ-નસાર સાથે ડીલ કર્યા બાદ, હવે દિગ્ગજ ફૂટબોલર્સ પણ સાઉદી ફૂટબોલ લીગ તરફ આકર્ષાયા છે. હવે ફૂટબોલર મેસ્સી અને કરીમ બેન્ઝેમા પર સાઉદી ફૂટબોલ કલબમાં જોડાઈ શકે તેવી ચર્ચા એ જોર પકડયું છે.
દિગ્ગજ ફૂટબોલર મેસ્સી એ હાલમાં જ ફ્રાન્સની ફૂટબોલ કલબ PSGનો સાથ છોડયો છે. આજે વધુ એક ફૂટબોલર પર મોટી ફૂટબોલ કલબનો સાથ છોડી રહ્યો છે. ફ્રાન્સના દિગ્ગજ ફૂટબોલર કરીમ બેન્ઝેમા આગામી સત્રથી રીયલ મેડ્રિડનું પ્રતિનિધિત્વ નહીં કરે.
સ્પેનના શીર્ષ ક્લબોમાંથી એક રીયલ મેડ્રિડ આજે રવિવારે જણાવ્યું કે, તેમણે બેન્ઝેમા સાથે તેમની શાનદાર અને અવિસ્મરણીય કારકિર્દી ચાલુ નહીં રાખવાનું નક્કી કર્યુ છે.
બેન્ઝેમા વર્ષ 2009થી રીયલ મેડ્રિડ સાથે છે. ક્લબે તેની 14 વર્ષની કારકિર્દી દરમિયાન 25 ટાઇટલ જીત્યા, જે સ્પેનની ટોચની ટીમ સાથેના કોઈપણ ખેલાડી માટેનો રેકોર્ડ છે.
રીયલ મેડ્રિડ માટે સૌથી વધારે ગોલ કરનારા ખેલાડીઓમાં કરીમ બેન્ઝેમા બીજા સ્થાને છે. જ્યારે સૌથી વધારે ગોલ અસિસ્ટ કરનાર ખેલાડીઓમાં તે પહેલા ક્રમે છે.
રીયલ મેડ્રિડ માટે હમણા સુધી કરીમ બેન્ઝેમા એ 14 વર્ષમાં 647 મેચ રમી છે. તેણે કુલ 353 ગોલ કર્યા છે અને 165 ગોલ અસિસ્ટ કર્યા છે. રોનાલ્ડોએ રીયલ મેડ્રિડ માટે 438 મેચ રમી હતી, જેમાં તેણે 450 ગોલ કર્યા હતા અને 131 ગોલ અસિસ્ટ કર્યા હતા.