FIFA World Cup 2026માં રમી શકે છે ભારતીય ફૂટબોલ ટીમ, આ રીતે થઈ શકે છે ક્વોલિફાય
ભારતીય ફૂટબોલ ટીમ હાલમાં શાનદાર ફોર્મમાં જોવા મળી રહી છે. બીજો ઇન્ટરકોન્ટિનેન્ટલ કપ જીત્યા બાદ ભારતીય ફૂટબોલ ટીમે SAFF ચેમ્પિયનશિપમાં જીતવા પહોંચી છે. આ ટુર્નામેન્ટમાં ભારતીય ફૂટબોલ ટીમે પાકિસ્તાનને હરાવીને વિજયી શરુઆત કરી હતી. ભારતીય ફૂટબોલ ટીમ આગામી વર્લ્ડ કપ માટે પણ ક્વોલિફાય થઈ શકે છે.
આગામી ફિફા વર્લ્ડ કપ વર્ષ 2026માં યોજાશે. આ વર્લ્ડ કપની યજમાની કેનેડા, અમેરિકા અને મૈક્સિકો દ્વારા કરવામાં આવશે. આ ટુર્નામેન્ટમાં કુલ 48 ટીમો ભાગ લઈ શકશે. આ ટીમોને કુલ 12 ભાગમાં વિભાજીત કરવામાં આવશે. આ વર્લ્ડ કપમાં કુલ 104 ફૂટબોલ મેચ રમાશે.
ભારતીય ફૂટબોલ ટીમ હાલમાં શાનદાર ફોર્મમાં જોવા મળી રહી છે. આ બધા વચ્ચે ભારતીય ફૂટબોલ ફેન્સ પોતાની ટીમને વર્લ્ડ કપમાં જોવા માગે છે. ચાલો જાણીએ કે ભારતીય ફૂટબોલ ટીમ કઈ રીતે વર્લ્ડ કપ માટે ક્વોલિફાય કરી શકે છે.
વર્ષ 2026ના વર્લ્ડ કપમાં કુલ 48 ટીમો ભાગ લેશે. એશિયા મહાદ્વિપની ટોપ 8 ટીમો વર્લ્ડ કપમાં ભાગ લઈ શકશે. હાલમાં ભારતીય ટીમ એશિયા રેકિંગમાં 19માં ક્રમે છે.
ભારતીય ફૂટબોલ ટીમ વર્ષ 2022ની શરુઆતથી કોઈ મેચ હાર્યું નથી. ભારતીય ટીમ આવું પ્રદર્શન જાળવી રાખીને પોતાને રેન્ક સુધારી શકે છે. વર્ષ 2022 પછી ભારતીય ફૂટબોલ ટીમ 9માંથી 8 મેચ જીતી છે, જ્યારે એક મેચ ડ્રો રહી હતી.
ભારતીય ટીમ હાલમાં SAFF ચેમ્પિયનશિપ રમી રહી છે. સપ્ટેમ્બરમાં કિંગ્સ કપ, ઓક્ટોબરમાં મેડ્રિક કપ અને નવેમ્બરમાં ભારતીય ટીમ ક્વાલિફાયર રમશે. આ ક્વાલિફાયર 2 વર્ષ સુધી ચાલશે. ભારતીય ટીમનો મુકાબલો ચીન, જાપાન, ઈરાન, ઉઝ્બેકિસ્તાન, કોરિયા જેવી ટીમો સામે થશે. આ તમામ ટીમો સાથે શાનદાર પ્રદર્શન કરીને ભારતીય ટીમ એશિયાની ટોપ 8ની રેકિંગમાં આવી શકે છે.
Published On - 9:02 pm, Fri, 23 June 23