TV9 GUJARATI | Edited By: Abhigna Maisuria
Aug 28, 2022 | 11:06 PM
થોડા દિવસો પહેલા ભારતીય ટીમના વિકેટકીપર બેટ્સમેન રિષભ પંત અને બોલિવૂડ એક્ટ્રેસ ઉર્વશી રૌતેલા ચર્ચામાં હતા. તેનું કારણ બંનેની સોશિયલ મીડિયા પોસ્ટ હતી. આજે ભારત-પાકિસ્તાનની મેચ સમયે ફરી એકવાર બંને ચર્ચામાં આવ્યા છે. હાલ, એશિયા કપ-2022માંની મેચો રમાઈ રહી છે.
ભારત અને પાકિસ્તાન વચ્ચેની મેચ દુબઈ ઈન્ટરનેશનલ ક્રિકેટ સ્ટેડિયમમાં રમાઈ રહી છે. ઉર્વશી આ ભારત અને પાકિસ્તાન વચ્ચેની મેચ જોવા દુબઈ પહોંચી ગઈ છે. તેનો ફોટો સોશિયલ મીડિયા પર વાયરલ થઈ રહ્યો છે.
જોકે આજની મેચમાં રિષભ પંત રમી રહ્યો નથી. ટીમ ઈન્ડિયાએ તેની જગ્યાએ અનુભવી વિકેટકીપર બેટ્સમેન દિનેશ કાર્તિકને તક આપી છે. એવી આશા હતી કે તે આ મેચ રમશે પરંતુ એવું થયું નહીં.પંતનું આ મેચમાં ન રમવું ચર્ચાનો વિષય છે.
ઉર્વશીએ થોડા દિવસો પહેલા એક ઈન્ટરવ્યુમાં જણાવ્યું હતું કે, એક ક્રિકેટર તેને હોટલમાં મળવા આવ્યો હતો અને તેને બોલાવી રહ્યો હતો. ઈન્ટરવ્યુમાં ઉર્વશીએ આ ક્રિકેટરને 'RP' કહીને સંબોધિત કર્યો હતો.
આ પછી રિષભ પંતે તેની ઈન્સ્ટા સ્ટોરી પર આડકતરી રીતે ઉર્વશી ખોટું બોલી રહી છે એવી વાત કરી હતી અને પછી ઉર્વશીએ તેના ઈન્સ્ટાગ્રામ પર લખ્યું કે, છોટુ ભાઈએ ક્રિકેટ પર ધ્યાન આપવું જોઈએ.