Hockey world cup 2023માં ગ્રુપ સ્ટેજની તમામ મેચ પૂર્ણ, ગ્રુપ ટોપર બની આ ટીમો પહોંચી કવાર્ટર ફાઈનલમાં
ઓડિશામાં ચાલી રહેલા હોકી વર્લ્ડ કપમાં આજે તમામ ગ્રુપની ગ્રુપ સ્ટેજની તમામ મેચ પૂર્ણ થઈ છે. હોકી વર્લ્ડ કપના નિયમો અનુસાર, ગ્રુપમાં ટોપ કરનાર હોકી ટીમ સીધી કવાર્ટર ફાઈનલમાં પહોંચે છે. જ્યારે અન્ય ટીમો વચ્ચે ક્રોસ ઓવર મેચ રમાઈ છે. આ ક્રોસ ઓવર મેચ ગ્રુપમાં બીજા અને ત્રીજા નંબર પર રહેલી ટીમ વચ્ચે રમાઈ છે.
13 જાન્યુઆરીથી ઓડિશામાં શરુ થયેલી મેચ હવે ક્રોસ ઓવર મેચ સુધી પહોંચી છે. ગ્રુપ એમાં સાઉથ આફ્રીકાની ટીમ 0 પોઈન્ટ સાથે, ગ્રુપ બીમાં જાપાનની ટીમ 0 પોઈન્ટ સાથે, ગ્રુપ સીમાં ચીલીની ટીમ 0 પોઈન્ટ સાથે અને ગ્રુપ ડીમાં વેલ્સની ટીમ 0 પોઈન્ટ સાથે ચોથા ક્રમે રહી હતી. આ સાથે આ તમામ ટીમો હોકી વર્લ્ડ કપમાંથી બહાર થઈ ગઈ છે.
ગ્રુપ એમાં ઓસ્ટ્રેલિયાની હોકી ટીમ 7 પોઈન્ટ સાથે ટોપ પર રહી હતી. આ ટીમે 2 મેચ જીતી અને એક મેચ ડ્રો રહી હતી. આ ટીમે ગ્રુપ સ્ટેજની મેચમાં 20 ગોલ કર્યા હતા.
ગ્રુપ બીમાં બેલ્જિયમની હોકી ટીમ 7 પોઈન્ટ સાથે ટોપ પર રહી હતી. આ ટીમે 2 મેચ જીતી અને 1 મેચ ડ્રો રહી હતી. આ ટીમે ગ્રુપ સ્ટેજની મેચમાં 14 ગોલ કર્યા હતા. ઓસ્ટ્રેલિયાની સાથે સાથે બેલ્જિયમની ટીમ પણ કવાર્ટર ફાઈનલમાં પહોંચી છે.
ગ્રુપ સીમાં નેધરલેન્ડની હોકી ટીમ 9 પોઈન્ટ સાથે ટોપ પર રહી હતી. આ ટીમે તમામ મેચ જીતી હતી. આ ટીમે ગ્રુપ સ્ટેજની મેચમાં 22 ગોલ કર્યા હતા. આ ટીમ પણ કવાર્ટર ફાઈનલમાં પહોંચી છે.
ગ્રુપ ડીમાં ઈંગ્લેન્ડની હોકી ટીમ 7 પોઈન્ટ સાથે ટોપ પર રહી હતી. આ ટીમે 2 મેચ જીતી હતી અને 1 મેચ ડ્રો રહી હતી. આ ટીમે ગ્રુપ સ્ટેજની મેચમાં 9 ગોલ કર્યા હતા. આ ટીમ પણ કવાર્ટર ફાઈનલમાં પહોંચી છે.
Published On - 10:31 pm, Fri, 20 January 23