ફ્રાન્સની ટીમે મોરોક્કોને 2-0 થી હરાવી ચોથીવાર વર્લ્ડકપ ફાઇનલમાં પ્રવેશ કર્યો, જુઓ મેચની યાદગાર ક્ષણો
કતારના અલ બાયત સ્ટેડિયમમાં રમાયેલી આ મેચમાં બંને ટીમોના હજારો ફેન્સ હાજર રહ્યા હતા. આ મેચમાં મોરોક્કો સામે 0-2થી જીત મેળવીને ફ્રાન્સની ટીમ ચોથીવાર અને સતત બીજીવાર ફાઈનલમાં પહોંચી હતી.
ભારતીય સમય અનુસાર રાત્રે 12.30 કલાકે ફિફા વર્લ્ડકપ 2022માં બીજી સેમિફાઈનલ મેચ ડિફેન્ડિંગ ચેમ્પિયન ફ્રાન્સ અને આફ્રિકન ટીમ મોરોક્કો વચ્ચે અલ બાયત સ્ટેડિયમમાં રમાઈ હતી.
ફ્રાન્સના થિયો હર્નાન્ડીઝ મેચની 5મી જ મિનિટમાં ગોલ કરીને ફ્રાન્સને પ્રથમ હાફમાં લીડ અપાવી હતી. મોરોક્કોની મજબૂત ડિફેન્સિંગ દીવાલમે કારણે છેલ્લી 2 મેચમાં તેમણે એક પણ ગોલ આપ્યો ન હતો.
ફિફા વર્લ્ડકપ 2022માં અજેય રહેનાર મોરોક્કોની ટીમના ખેલાડીઓ આ મેચમાં સ્કોરની બરાબરી કરવા માટે સતત પ્રયત્નો કરી રહ્યા હતા.
જોકે, ફ્રાન્સના ગોલકીપર Lloris એ તેમના તમામ પ્રત્યનોને નિષ્ફળ કર્યા હતા.
પ્રથમ હાફમાં 3 મિનિટનો વધારાનો સમય જોડવામાં આવ્યો હતો. પ્રથમ હાફમાં ફ્રાન્સની ટીમ 1-0થી આગળ રહી હતી.
આ વર્ષે મોરોક્કોની ટીમ પહેલીવાર કવાર્ટર ફાઈનલ અને સેમિફાઈનલ મેચ રમી રહી હતી. મોરોક્કોની ટીમ ફિફા વર્લ્ડકપની સેમિફાઈનલમાં પહોંચનાર પહેલી આફ્રિકન અને અરબ ટીમ બની હતી.
અંડરડોગ ટીમ મોરોક્કોના પ્રદર્શનથી આખી દુનિયામાં તેના ફેન્સ વધ્યા હતા. આ ટીમને સ્પોર્ટ કરવા માટે મેદાન પર મોટી સંખ્યમાં ફેન્સ હાજર રહ્યા હતા.
બીજા હાફમાં બંને ટીમો વચ્ચે રસાકસી ભરેલી જંગ જામી હતી. આ દરમિયાન બંને ટીમોના ખેલાડીઓએ કેટલાક ફાઉલ પણ કર્યા હતા.
બીજા હાફમાં મેચની 79મી મિનિટમાં ફ્રાન્સના ખેલાડી રાંદલ કોલો મુઆની એ ગોલ કરીને ફ્રાન્સની ફાઈનલની ટિકિટ પાક્કી કરી હતી.
આ મેચમાં મોરોક્કો સામે 0-2થી જીત મેળવીને ફ્રાન્સની ટીમ ચોથીવાર અને સતત બીજીવાર ફિફા વર્લ્ડકપ ફાઈનલમાં પહોંચી હતી.
Published On - 2:26 am, Thu, 15 December 22