FIFA Womens WC: સેમિફાઇનલમાં ઈંગ્લેન્ડે ઓસ્ટ્રેલિયાને હરાવ્યું, હવે ફાઇનલમાં સ્પેન સામે થશે ટક્કર
ફિફા મહિલા વર્લ્ડ કપ 2023ની બીજી સેમિફાઈનલમાં ઈંગ્લેન્ડે ઓસ્ટ્રેલિયાને 3-1થી હરાવ્યું. ઈંગ્લેન્ડની ટીમ પ્રથમ વખત વર્લ્ડ કપની ફાઇનલમાં પહોંચી છે, જ્યાં તેનો મુકાબલો સ્પેન સાથે થશે. સ્પેનની ટીમ પણ પ્રથમ વખત ફાઈનલ રમશે.
ફિફા મહિલા વર્લ્ડ કપની બીજી સેમિફાઇનલમાં ઈંગ્લેન્ડે ઓસ્ટ્રેલિયાને 3-1થી હરાવી ફાઇનલમાં પ્રવેશ કર્યો છે. જ્યાં તેનો સામનો સ્પેન સાથે થશે.
બંને ટીમો પ્રથમ વખત ફાઇનલમાં પહોંચી છે. સ્પેને સ્વીડનને હરાવી ફાઇનલમાં પ્રવેશ કર્યો હતો. ઈંગ્લેન્ડ અને ઓસ્ટ્રેલિયા મળીને આ ટૂર્નામેન્ટનું આયોજન કરી રહ્યા છે.
ઓસ્ટ્રેલિયાએ તેમની સુપરસ્ટાર ખેલાડી સેમ કેરને સેમિફાઇનલમાં શરૂઆતની પ્લેઇંગ ઇલેવનમાં તક આપી અને તેણે ઓસ્ટ્રેલિયા માટે એકમાત્ર ગોલ પણ કર્યો.
ઈલા ટૂને 36મી મિનિટે ઈંગ્લેન્ડને લીડ અપાવી હતી, પરંતુ સેમ કેરે 63મી મિનિટે ગોલ કરીને સ્કોર 1-1થી બરાબર કરી દીધો હતો. 71મી મિનિટે લોરેન હેમ્પે ઈંગ્લેન્ડને ફરી આગળ કર્યું હતું
90 મિનિટની રમત સમાપ્ત થવાના માત્ર 4 મિનિટ પહેલા, એલેસિયા રુસોએ વધુ એક ગોલ કરીને ઇંગ્લેન્ડની જીત સુનિશ્ચિત કરી હતી અને ઈંગ્લેન્ડ પહેલીવાર વર્લ્ડ કપ ફાઇનલમાં પહોંચ્યું હતું. (all photo courtesy: google)
Published On - 8:49 am, Thu, 17 August 23