FIFA WC 2022: ઓસ્ટ્રેલિયા સામે મહાન ફૂટબોલર મેસ્સી રમશે કરિયરની 1000મી ફૂટબોલ મેચ
વિશ્વના મહાન ફૂટબોલરમાંથી એક આર્જેન્ટિનાનો ફૂટબોલર મેસ્સી આજે મોટી ઉપલ્બધિ પોતાને નામે કરશે. તેણે એક પણ વાર દેશ માટે ફિફા વર્લ્ડકપ નથી જીત્યો, પણ આ વખતે તે દેશ માટે આ ટ્રોફી જીતવાનો પૂરેપૂરો પ્રયત્ન કરશે.
આજે વર્લ્ડકપની બીજી પ્રી કવાર્ટર ફાઈનલ મેચ આર્જેન્ટિના અને ઓસ્ટ્રેલિયા વચ્ચે રમાશે. આ મેચમાં ઓર્જેન્ટિનાનો લિયોનલ મેસ્સી મોટો રેકોર્ડ પોતાને નામે કરશે.
મેસ્સીની ટીમ આર્જેન્ટિના કાલે 4 ડિસેમ્બરે રાત્રે 12.30 એ ઓસ્ટ્રેલિયા સામે પ્રી કવાર્ટર ફાઈનલ મેચ રમવા ઉતરશે. મેસ્સીના કરિયરની આ 1000મી મેચ હશે. તે એ ખેલાડીઓની લિસ્ટમાં સામેલ થશે જેમણે કરિયરમાં 1000 ફૂટબોલ મેચ રમી છે.
આ 1000 મેચોમાં રાષ્ટ્રીય ટીમો અને કલબ ટીમની મેચનો પણ સમાવેશ થાય છે. મેસ્સી એ સ્પેનના દિગ્ગજ કલબ બાર્સિલોના માટે 778 મેચ રમી છે. તેણે ફ્રાંસના કલબ પેરિસ સેન્ટ જર્મેન માટે 53 મેચ રમી છે. જ્યારે પોતાના દેશની ફૂટબોલ ટીમ તરફથી 168 મેચ રમી છે.
મેસ્સી એ ફિફા વર્લ્ડકપ 2022માં 2 ગોલ કર્યા છે. મેસ્સી એ પોતાના કરિયરમાં ઘણી ટુર્નામેન્ટની ટ્રોફી જીતી છે, ફક્ત વર્લ્ડકપની ટ્રોફી જીતી શકયો નથી.
આ પહેલા પોર્ટુગલના રોનાલ્ડો, ઈંગ્લેન્ડના પૂર્વ ખેલાજી રે ક્લીમેન્સ, ગિયાનલુકી બફન, ડેવિસ જેમ્સ અને જાવી જેવા ખેલાડી 1000 મેચ રમી ચૂક્યા છે.