Deepa Malik Family Tree : દીપા મલિકે લકવાગ્રસ્ત થયા પછી પણ સફળતા મેળવી, પુત્રી પણ માતા સાથે જીતી ચૂકી છે અનેક મેડલ
મહિલાઓને શક્તિનું પ્રતિક આમજ કહેવામાં આવતું નથી, આજે અમે એવા જ એક વ્યક્તિત્વ વિશે જણાવીશું જેમણે માત્ર પોતાની શારીરિક અક્ષમતા સામે જ લડત નથી આપી પરંતુ પોતાના કામ દ્વારા ભારતનું ગૌરવ પણ બની છે. તો ચાલો જાણીએ આવી મહાન ખેલાડી દીપા મલિક (Deepa Malik)વિશે
18 વર્ષની મહેનત બાદ તેણે રિયો પેરાલિમ્પિક્સ-2017માં મહિલા વર્ગમાં દેશનું પ્રતિનિધિત્વ કરતી વખતે સિલ્વર મેડલ જીતીને ઈતિહાસ રચ્યો હતો. એશિયાડ સહિત અનેક આંતરરાષ્ટ્રીય ખેલ સ્પર્ધાઓમાં દેશ માટે મેડલ જીતવાને કારણે દીપાને દેશનો સર્વશ્રેષ્ઠ અર્જુન એવોર્ડ, પદ્મશ્રી સન્માનથી નવાજવામાં આવ્યા છે.
દીપા મલિકે 2016 રિયો પેરાલિમ્પિકમાં દેશને સિલ્વર મેડલ અપાવ્યો હતો. આ મેડલની ઘણા વર્ષોથી રાહ જોવાઈ રહી હતી. મેડલ બાદ તેમને રાજીવ ગાંધી ખેલ રત્ન પુરસ્કારથી સન્માનિત કરવામાં આવી હતી. દીપા દેશની ટોચની ખેલાડીઓમાં સામેલ છે. વ્હીલચેર પર હોવા છતાં તે થાકી ન હતી અને તેણે ઘણા આંતરરાષ્ટ્રીય મેડલ જીત્યા હતા.
દિપાને બે દીકરીઓ દેવિકા અને અંબિકા છે દેવિકા પેરા એથ્લેટ પણ છે અને તેણે રાષ્ટ્રીય અને આંતરરાષ્ટ્રીય સ્તરે અનેક મેડલ જીત્યા છે. માતા અને પુત્રી બંને ઘણી સ્પર્ધાઓમાં સાથે રમી છે.
