CWG 2022: મેડલની આશામાં ખરા ન ઉતર્યા આ દિગ્ગજ સ્ટાર ખેલાડી,જાણો કોણે તોડ્યું દિલ
બર્મિંગહામમાં રમાયેલી કોમનવેલ્થ ગેમ્સની સફર સોમવારે પૂરી થઈ. લગભગ બે અઠવાડિયા સુધી ચાલેલી આ ગેમ્સમાંથી દરરોજ ભારત માટે સારા સમાચાર આવતા હતા. ભારત આ ગેમ્સમાં ચોથા ક્રમે રહ્યું હતું. તેના હિસ્સામાં 22 ગોલ્ડ, 16 સિલ્વર અને 23 બ્રોન્ઝ મેડલ આવ્યા અને આ રીતે તે કુલ 61 મેડલ સાથે ચોથા સ્થાને રહ્યું.
શિવ થાપાની ગણના ભારતના શાનદાર બોક્સરમાં થાય છે. તે 63.5 કિલોગ્રામ વજનવર્ગમાં ઉતર્યો હતો પરંતુ રાઉન્ડ-16થી આગળ જઈ શક્યો નહિ. ભારતની મેડલની આશા પણ પૂર્ણ થઈ હતી. (File Pic)
દુતીની જેમ હિમા દાસ પાસે પણ મેડલની આશા હતી પરંતુ આ ખેલાડી 200 મીટરની ફાઈનલમાં પણ પહોંચી શકી ન હતી. (File Pic)
એથ્લેટિક્સમાં, ભારતે આ રમતોમાં અદભૂત પ્રદર્શન કર્યું છે. પરંતુ દેશની દિગ્ગજ મહિલા દોડવીર દુતી ચંદ અપેક્ષાઓ પર ખરી ઉતરી શકી નથી. તે 100 મીટરમાં ઉતરી હતી પરંતુ હીટથી આગળ વધી શકી ન હતી. તેણે 11.55 સેકન્ડનો સમય કાઢ્યો જે તેના વ્યક્તિગત શ્રેષ્ઠ 11.17 કરતા ઓછો છે. (File Pic)
લવલિના ઉપરાંત અન્ય એક ભારતીય અનુભવી મહિલા ખેલાડી મનિકા બત્રાએ પણ નિરાશ કર્યા હતા. મનિકાને આશા હતી કે, તે આ વખતે પોતાનું મહિલા સિંગલ ટાઈટલ બચાવવામાં સફળ રહેશે પરંતુ એવું થયું નહીં. તે ક્વાર્ટર ફાઈનલમાંથી જ બહાર થઈ ગઈ હતી. તે મિક્સ્ડ ડબલ્સમાં મેડલ પણ જીતી શકી ન હતી (PTI Photo)
ટોક્યો ઓલિમ્પિકમાં બ્રોન્ઝ મેડલ જીતનારી મહિલા બોક્સર લોવલિના બોર્ગોહેન આ કોમનવેલ્થ ગેમ્સમાં મેડલની દાવેદાર હતી પરંતુ તે મેડલ જીતી શકી નહોતી. લોવલિના 66-70 કિગ્રા વર્ગમાં ક્વાર્ટર ફાઈનલમાંથી બહાર થઈ ગઈ હતી. (PTI Photo)
