Cristiano Ronaldoએ કમાણીનો રેકોર્ડ તોડયો, 5 વર્ષ બાદ સૌથી વધારે કમાણી કરતો ખેલાડી બન્યો
Highest paid player : મેસ્સીને પછાડીને ફૂટબોલર રોનાલ્ડો ફરી નંબર 1 કમાણી કરતો ખેલાડી બની ગયો છે. વર્ષ 2017 પછી ફરી તે સૌથી વધારે કમાણી કરતા ખેલાડીઓની લિસ્ટમાં નંબર 1 બન્યો છે. તેની કમાણીએ 1 વર્ષમાં કોઈ પણ ખેલાડીની સૌથી વધારે કમાણીને વર્લ્ડ રેકોર્ડ બનાવ્યો છે.
પોર્ટુગર્લનો પ્રખ્યાત ફૂટબોલર ક્રિસ્ટિયાનો રોનાલ્ડો ફોર્બ્સની યાદીમાં સૌથી વધારે કમાણી કરનારો ખેલાડી બની ગયો છે. આ વર્ષે 1 મે સુધીની તેની કમાણી 136 મિલિયન ડોલર એટલે કે 1116 કરોડ રુપિયા થઈ છે. તે સૌથી વધારે કમાણી કરનાર ખેલાડી અને ફૂટબોલર બની ગયો છે.
હાલમાં જ સાઉદી અરેબિયાની ફૂટબોલ કલબ અલ નાસર સાથે કરાર કર્યા બાદ તેની કમાણી બમણી થઈ છે. આ કલબ માટે રમવા માટે તેને 616 કરોડ રુપિયા મળે છે. તેની ઓન ફિલ્ડ કમાણી 378 કરોડ રુપિયા છે. જ્યારે બ્રાન્ડ એન્ડોર્સમેન્ટ દ્વારા તે 738 કરોડ રુપિયાની કમાણી કરે છે.
આર્જેન્ટિનાની ફૂટબોલ ટીમે જેના નેતૃત્વમાં ફિફા વર્લ્ડ કપ 2022 જોયો, તેવા મેસ્સીની કમાણી 1067 કરોડ રુપિયા છે.
ફ્રાન્સનો યુવા ફૂટબોલર એમબાપે આ લિસ્ટમાં ત્રીજા ક્રમે છે. તે ટોપ 5 અમીર ખેલાડીઓની લિસ્ટમાં ત્રીજો ફૂટબોલર છે. તેની કમાણી 985 કરોડ રુપિયા છે.
અમેરિકન બાસ્કેટબોલ સ્ટાર LeBron James આ લિસ્ટમાં ચોથા ક્રમે છે. તેની કમાણી 977 કરોડ રુપિયા છે.
મેક્સિકન બોક્સિંગ સ્ટાર Canelo Álvarez આ લિસ્ટમાં પાંચમા ક્રમે છે. તેની કમાણી 903 કરોડની છે.