Breaking News Asian Games 2026: કોણે શ્રેષ્ઠ પ્રદર્શન કર્યું, કોણે નિરાશ કર્યા? રમતગમત મંત્રાલય હવે લેશે ‘ક્લાસ’
ભારતે આ વખતે એશિયન ગેમ્સમાં લગભગ 500 ખેલાડીઓ મોકલ્યા હતા, જેથી તેઓ અગાઉના ગેમ્સના રેકોર્ડને તોડી શકે. પરંતુ રેકોર્ડ તોડવાની વાત તો દૂર, ભારતીય ખેલાડીઓ અગાઉના એડિશનની બરાબરી પણ કરી શક્યા નહીં. હવે રમત મંત્રાલય એશિયન ગેમ્સમાં ભારતીય રમતવીરોના પ્રદર્શનની સમીક્ષા કરશે.
જાપાનના આઈચી-નાગોયામાં 2026 એશિયન ગેમ્સનું સમાપન થયું છે, જેમાં અનેક ભારતીય ખેલાડીઓએ મેડલ જીત્યા છે.
જોકે, આ ગેમ્સ હવે સમીક્ષાનો વિષય છે અને આ 13 ઓક્ટોબરના રોજ થશે, જ્યારે રમતગમત મંત્રાલય તમામ રમતગમત ફેડરેશનો સાથે એક દિવસની બેઠક યોજશે.
આ ગેમ્સમાં ભારતે કુલ 85 મેડલ જીત્યા હતા, જેમાં 21 ગોલ્ડનો સમાવેશ થાય છે. આ પ્રદર્શન અગાઉના એશિયન ગેમ્સ કરતા ઓછું હતું. જ્યાં ભારતે રેકોર્ડ 106 મેડલ જીત્યા હતા. ભારત સાત રમતોમાં પોતાના ગોલ્ડ મેડલનો બચાવ કરવામાં પણ નિષ્ફળ ગયું.
બેડમિન્ટન, શૂટિંગ અને એથ્લેટિક્સમાં અનુભવી ખેલાડીઓનું નિરાશાજનક પ્રદર્શન આનું મુખ્ય કારણ હતું.
રમતગમત મંત્રી મનસુખ માંડવિયાની અધ્યક્ષતામાં યોજાનારી બેઠકમાં આ રમતો પર સૌથી વધુ ચર્ચા થવાની શક્યતા છે.
વધુમાં, રમત મંત્રાલય રમતવીરોને આપવામાં આવતી નાણાકીય સહાયની સમીક્ષા કરશે.
ટાર્ગેટ ઓલિમ્પિક પોડિયમ યોજના (TOPS) હેઠળ સહાય મેળવતા 89 અનુભવી રમતવીરો 23 વિવિધ રમતોમાં કોઈ મેડલ જીતી શક્યા નથી.
સરકાર માને છે કે કેટલીક રમતોમાં રોકાણ તેમની ક્ષમતા અનુસાર પરિણામો આપી રહ્યું નથી. જોકે, પહેલીવાર એશિયન ગેમ્સમાં ભાગ લેનારા 310 ખેલાડીઓએ કુલ 41 મેડલ જીત્યા હતા. રમતગમત મંત્રાલયે તેમના પ્રદર્શનને ભવિષ્ય માટે સારો સંકેત ગણાવ્યો હતો. (PC: PTI)
Published On - 9:36 pm, Thu, 8 October 26
