FIFA વર્લ્ડ કપ 2026 માંથી બહાર થયેલી ટોપ 5 ટીમો, એક તો ચાર વખત રહી ચૂકી છે ચેમ્પિયન
ફિફા વર્લ્ડ કપની 23મી આવૃત્તિમાં પાંચ મુખ્ય ટીમો રમતી જોવા મળશે નહીં. આમાંથી એક એવો દેશ છે જેણે એક વખત ટાઈટલ ડીફેન્ડ કર્યું છે અને ચાર વખત વર્લ્ડ ચેમ્પિયન બનવાનું ગૌરવ પણ પ્રાપ્ત કર્યું છે. ચાલો જાણીએ આ પાંચ ટીમો કઈ છે.
FIFA વર્લ્ડ કપ 2026 12 જૂનથી શરૂ થવાનો છે. આ વર્ષે, આ ટુર્નામેન્ટમાં રેકોર્ડ 48 ટીમો ભાગ લઈ રહી છે. જોકે, ખાસ વાત એ છે કે ચાર વખતની ચેમ્પિયન ઈટાલી સહિત પાંચ ટીમો આ વર્ષના FIFA વર્લ્ડ કપમાં બહાર છે. ઈટાલી ઉપરાંત, FIFA વર્લ્ડ કપ માટે ક્વોલિફાય ન થઈ શકી હોય તેવી ચાર મુખ્ય ટીમો નાઈજીરીયા, ડેનમાર્ક, પોલેન્ડ અને યુક્રેન છે. આ વર્ષે, FIFA વર્લ્ડ કપ ત્રણ દેશોમાં યોજાઈ રહ્યો છે. યુનાઈટેડ સ્ટેટ્સ ઉપરાંત, મેક્સિકો અને કેનેડા આ ટુર્નામેન્ટનું આયોજન કરી રહ્યા છે.
2026ના FIFA વર્લ્ડ કપમાં ઈટાલીની ગેરહાજરી આશ્ચર્યજનક છે. ઈટાલી ચાર વખતનું વિશ્વ ચેમ્પિયન છે. તેણે 1934માં ફિફા વર્લ્ડ કપ જીત્યો હતો અને પછી 1938ના FIFA વર્લ્ડ કપમાં તેના ટાઈટલ ડીફેન્ડ કર્યું હતું. ઈટાલીએ 1982માં અને 2006માં ઈટાલીએ ચોથો વર્લ્ડ કપ જીત્યો હતો. ઈટાલી હાલમાં FIFA વર્લ્ડ રેન્કિંગમાં 12 મા ક્રમે છે. આ સતત ત્રીજી વખત છે જ્યારે ઈટાલીની ટીમ FIFA વર્લ્ડ કપ માટે ક્વોલિફાય કરવામાં નિષ્ફળ રહી છે.
ઈટાલીની જેમ, ડેનમાર્ક પણ પેનલ્ટી શૂટઆઉટમાં હારી ગયું, જેના કારણે તેઓ 2026 ના ફિફા વર્લ્ડ કપમાંથી બહાર રહ્યા. વર્તમાન ફિફા વર્લ્ડ રેન્કિંગમાં 20મા ક્રમે રહેલી આ ટીમ 2022 ફિફા વર્લ્ડ કપમાં ડાર્ક હોર્સ માનવામાં આવી હતી. અને તેમેણ જોરદાર પ્રદર્શન કર્યું હતું.
FIFA રેન્કિંગમાં 26મા ક્રમે રહેલું નાઈજીરીયા પણ આ વર્ષે FIFA વર્લ્ડ કપમાં ભાગ લેશે નહીં. આ પહેલીવાર નથી જ્યારે નાઈજીરીયા વર્લ્ડ કપમાં ક્વોલિફાય કરવામાં નિષ્ફળ રહ્યું હોય. આ પહેલા 2022 ફિફા વર્લ્ડ કપમાં પણ નાઈજીરીયા FIFA વર્લ્ડ કપમાંથી બહાર રહ્યું હતું. નાઈજીરીયાના સ્થાને DR કોંગો 2026 FIFA વર્લ્ડ કપ માટે ક્વોલિફાય થયું છે.
યુક્રેન છેલ્લે FIFA વર્લ્ડ કપમાં રમ્યું હોય તે વાતને 20 વર્ષ થઈ ગયા છે. યુક્રેન છેલ્લે 2006 માં વર્લ્ડ કપ રમ્યું હતું. યુક્રેનનું ફિફા રેન્કિંગ 32મું છે. ટીમ UEFA ક્વોલિફાઈંગ પ્લેઓફમાં સ્વીડન સામે હારી ગઈ હતી અને આ વખતે તેને વર્લ્ડ કપમાં સ્થાન મેળવવાનો ઇનકાર કરવામાં આવ્યો હતો.
પોલેન્ડ હાલમાં FIFA રેન્કિંગમાં 35મા ક્રમે છે. UEFA ક્વોલિફાઈંગ પ્લેઓફ ફાઈનલમાં સ્વીડન સામે ટીમનો 3-2થી પરાજય થયો હતો, જેના કારણે 2026 FIFA વર્લ્ડ કપમાં ભાગ લેવાની તેની આશાઓ ખતમ થઈ ગઈ હતી. પોલેન્ડ છેલ્લે 2022 ફિફા વર્લ્ડ કપમાં રમ્યું હતું અને રાઉન્ડ ઓફ 16 સુધી પહોંચ્યું હતું. (PC: GETTY IMAGES)
