Breaking News: ભારતે જર્મનીને હરાવી 52 વર્ષ જૂનો રેકોર્ડ તોડ્યો, મહિલા હોકી વર્લ્ડ કપમાં રચ્યો ઈતિહાસ
ભારતીય મહિલા હોકી ટીમે જર્મની સામે એવી શાનદાર જીત મેળવી છે, જેની લાંબા સમયથી રાહ જોવાઈ રહી હતી. 2026 મહિલા હોકી વર્લ્ડ કપની આ મેચમાં ટીમ ઈન્ડિયાએ જોરદાર પ્રદર્શન કરીને પોતાનું નામ ઇતિહાસમાં નોંધાવ્યું. આ જીત સાથે ભારતીય ટીમે વર્લ્ડ કપમાં પોતાનો અત્યાર સુધીનો શ્રેષ્ઠ દેખાવ નોંધાવ્યો છે અને 52 વર્ષ જૂનો રેકોર્ડ પણ તોડી નાખ્યો છે.
ભારતીય ટીમે ગુરુવારે 2026 મહિલા હોકી વર્લ્ડ કપની મેચમાં જર્મનીને 3-1થી હરાવીને પાંચમું સ્થાન મેળવ્યું હતું. એમ્સ્ટલવીનમાં રમાયેલી આ મેચમાં ભારતે અંતિમ 17 મિનિટમાં ત્રણ ગોલ કરીને શાનદાર વિજય મેળવ્યો હતો.
આ જીત ભારતીય મહિલા હોકી માટે ઐતિહાસિક રહી છે. 1974માં મહિલા વર્લ્ડ કપની શરૂઆત થયા બાદ ભારતનો અગાઉનો શ્રેષ્ઠ દેખાવ ચોથું સ્થાન રહ્યો હતો. હવે 52 વર્ષ બાદ ટીમે વર્લ્ડ કપમાં પોતાનું શ્રેષ્ઠ પરિણામ નોંધાવ્યું છે.
મેચના પ્રથમ બે ક્વાર્ટર ગોલવિહોણા રહ્યા હતા. જર્મનીને પેનલ્ટી કોર્નર મળ્યા હતા, પરંતુ ભારતીય રક્ષણાત્મક ખેલાડીઓએ મજબૂત રમત બતાવી હતી. ત્રીજા ક્વાર્ટરમાં ભારતે મેચની દિશા બદલી નાખી હતી.
43મી મિનિટે ઇશિકાએ ભારત માટે પહેલો ગોલ કર્યો હતો. તેના એક જ મિનિટ બાદ નવનીત કૌરે ગોલ કરીને ભારતની લીડ 2-0 કરી હતી. ત્યારબાદ 47મી મિનિટે નવનીતે પોતાનો બીજો અને ટીમનો ત્રીજો ગોલ કરીને ભારતને મજબૂત સ્થિતિમાં પહોંચાડ્યું હતું.
જર્મનીએ 59મી મિનિટે એક ગોલ કરીને વાપસીનો પ્રયાસ કર્યો હતો, પરંતુ ભારતે અંતિમ ક્ષણો સુધી પોતાની લીડ જાળવી રાખી હતી. અંતે ટીમ ઈન્ડિયાએ 3-1થી જીત મેળવીને પાંચમું સ્થાન હાંસલ કર્યું અને મહિલા હોકી વર્લ્ડ કપમાં નવો ઇતિહાસ રચ્યો. (PC:X/Hockey India)
