Amitabh Bachchanએ મેસ્સી અને રોનાલ્ડો સાથે કરી મુલાકાત, સાઉદી અરેબિયામાં ફ્રેન્ડલી મેચમાં બન્યા ખાસ મહેમાન
Messi vs Ronaldo Friendly match : આજે સાઉદી અરેબિયાના રિયાદમાં ફૂટબોલના દિગ્ગજ ખેલાડીઓ વચ્ચે જંગ જામ્યો છે. રોનાલ્ડો અને મેસ્સી વચ્ચેની આ ધમાકેદાર મેચ માટે આખી દુનિયામાં ભારે રોમાંચ જોવા મળી રહ્યો છે. આ મેચમાં અમિતાભ બચ્ચન ખાસ મહેમાન બનીને પહોંચ્યા હતા.
સાઉદી અરબના રિયાદમાં કિંગ ફહદ ઈન્ટરનેશનલ સ્ટેડિયમમાં આજે પેરિસ સેન્ટ જર્મેન અને સાઉદી અરબની બે ક્લબ અલ નાસર અને અલ હિલાલના ખેલાડીઓને મળીને બનાવેલી ટીમ રિયાદ ST-11 વચ્ચે ફ્રેન્ડલી મેચ રમાઈ રહી છે. આ મેચમાં અમિતાભ બચ્ચન પણ જોવા મળ્યા હતા.
ભારતીય કલાકારને દિગ્ગજ ફૂટબોલર્સની આ મેચમાં મુખ્ય મહેમાન તરીકે જોઈને ભારતીયોમાં ખુશીને લહેર જોવા મળી હતી. આ સાથે જ અમિતાભ બચ્ચન ટ્વિટર પર ટ્રેન્ડ થયા હતા.
અમિતાભ બચ્ચને આજે પેરિસની ફૂટબોલ કલબ પેરિસ સેન્ટ જર્મેન તરફ રમી રહેલા મેસ્સી સાથે હાથ મીલાવી વાતચીત કરી હતી.
અમિતાભ બચ્ચને પોતાના ફેવરિટ ફૂટબોલર રોનાલ્ડો સાથે પણ વાતચીત કરી હતી. હાલમાં રોનાલ્ડો સાઉદી અરબની ફૂટબોલ કલબ અલ નાસર માટે રમી રહ્યો છે.
જણાવી દઈએ કે સદીના મહાનાયક અને બોલિવૂડના દિગ્ગજ અભિનેતા અમિતાભ બચ્ચન ફૂટબોલના ચાહક છે. અનેક ઈવેન્ટમાં તેમણે પોતાનો ફૂટબોલ પ્રેમ પ્રગટ કર્યો હતો.
Published On - 11:07 pm, Thu, 19 January 23