ટીમ ઈન્ડિયાના રંગે રંગાયા દર્શકો, ભારત માતાકી જયના નારા અને જીતના આશાવાદ સાથે પહોંચ્યા સ્ટેડિયમ- જુઓ તસ્વીરો
અમદાવાદમાં રમાઈ રહેલી વર્લ્ડ કપની ફાઈનલમાં ટીમ ઈન્ડિયાની જીત નિશ્ચિત છે આવો આશાવાદ સ્ટેડિયમ પર મેચ જોવા આવનાર દરેક દર્શકે વ્યક્ત કર્યો. ત્રિરંગાના ગેટઅપમાં સજ્જ થઈને ટીમ ઈન્ડિયાનો જુસ્સો વધારવા દેશના ખૂણેખૂણેથી દર્શકોનો સ્ટેડિયમ બહાર જમાવડો જોવા મળ્યો.
વર્લ્ડ કપની મેચ પૂર્વે લંડનથી આવેલા મૂળ ગુજરાતી કચ્છી માંડુ સંપૂર્ણ રીતે ત્રિરંગાના ગેટઅપમાં સજ્જ થઈને મેચ નિહાળવા સ્ટેડિયમ પહોંચ્યા હતા. તેમનુ કહેવુ છે કે વર્લ્ડ કપની દરેક મેચ દરમિયાન તેઓ આ પ્રકારે ગેટઅપમાં સજ્જ થઈને જોવા માટે પહોંચી જાય છે.આ જ પ્રકારે ભારત ઓસ્ટ્રેલિયાની ફાઈનલ નિહાળવા માટે તેઓ લંડનથી આવ્યા છે.
ઈન્ડિયા ઓસ્ટ્રેલિયાની આ મેચ દરમિયાન અનેક એવા દર્શકો હતા જે સંપૂર્ણ રીતે ત્રિરંગાના ગેટ અપમાં સજ્જ થઈને આવ્યા હતા અને આ પ્રકારે તેમની દેશપ્રેમ વ્યક્ત કરતા જોવા મળ્યા. આવા જ એક વિરાટ કોહલીના જબરા ફેન અરૂણ હરિયાણી ત્રિરંગાના ગેટઅપમાં પહોંચ્યા હતા.
અરૂણ હરિયાણી છેલ્લા બે દિવસથી આ પ્રકારના ત્રિરંગાના ગેટઅપમાં સજ્જ થઈને સ્ટેડિયમ બહાર જોવા મળી રહ્યા છે. ઈન્ડિયાની દરેક મેચ દરમિયાન તેઓ ટીમ ઈન્ડિયાને ચીઅર કરવા સ્ટેડિયમ પહોંચી જાય છે.
નાના બાળકો કે મોટા સહુ કોઈ ટીમ ઈન્ડિયાની જર્સી સાથે સ્ટેડિયમમાં મેચ જોવા પહોંચ્યા અને વર્લ્ડ કપની આ ઐતિહાસિક મેચ વિશ્વના સૌથી મોટા સ્ટેડિયમમાંથી જોવાની ટિકિટ મળી ગઈ હોવાથી દર્શકો તેમની આ પળને પોતાના કેમેરામાં કેદ કરતા જોવા મળ્યા.
Published On - 8:48 pm, Sun, 19 November 23
