Phone Tips: ફોનના સ્પીકરમાં અવાજ ધીમો આવે છે? વધારવા માટે ફોલો કરો આ ટ્રિક
સ્માર્ટફોન જૂનો થાય છે, તેમ તેમ તેમાં ઘણી ખામીઓ દેખાવા લાગે છે. સમય જતાં, બેટરી બેકઅપ ઘટે છે, પછી પ્રદર્શન પણ ઘટવા લાગે છે. તેવી જ રીતે, ઘણી વખત સ્માર્ટફોનમાં અવાજની ખામી પણ પરેશાન કરે છે.
જો આ કર્યા પછી પણ તમારા ફોનમાં બરોબર અવાજ ન સંભળાય તો તે સિવાય અમારી પાસે ઘણી ટ્રિક છે જેની મદદથી તમે તમારા ફોનના સ્પીકરનો આવાજ વધારી શકો છો.
સ્પીકરની સફાઈ: જો ફોનનું સ્પીકર યોગ્ય રીતે કામ ન કરી રહ્યું હોય, તો સ્પીકરમાં ગંદકી જમા થવાની પૂરી શક્યતા છે. આવી સ્થિતિમાં, ટૂથબ્રશની મદદથી સ્પીકરને સાફ કરવું ખૂબ જ મહત્વપૂર્ણ છે. આમ કરવાથી, વોલ્યુમ ઘણી હદ સુધી વધી જશે. જો તમે ઇચ્છો તો, તમે ટૂથબ્રશ પર હળવો સ્પ્રે પણ કરી શકો છો. સ્પીકરને સાફ કરતી વખતે સાવચેત રહેવું ખૂબ જ મહત્વપૂર્ણ છે.
ફોન રીસ્ટાર્ટ કરો: સ્માર્ટફોનમાં કોઈપણ ખામીને ઠીક કરતા પહેલા, દરેક વપરાશકર્તા તેને પોતાના સ્તરે ઠીક કરવાનો પ્રયાસ કરે છે. જેમાં તે પહેલા ફોન રીસ્ટાર્ટ કરે છે. આવી સ્થિતિમાં, તમારે વોલ્યુમ સુધારવા માટે પણ આ જ કરવું પડે છે.
કવર દૂર કરો: ઘણીવાર એવું બને છે કે સ્માર્ટફોનને સુરક્ષિત રાખવા માટે ભારે કવરનો ઉપયોગ કરવામાં આવે છે. પરંતુ કવરમાં ગંદકી જમા થવાને કારણે સ્પીકરને પણ અસર થાય છે અને અવાજ ઓછો થઈ જાય છે. ઘણી વાર જો તમારા ફોનનું કવર તમારા મોબાઈના સ્પિકરને ઢાંકી દેતુ હોય ત્યારે પણ સ્પિકરમાંથી આવતો અવાજ ઓછો લાગે છે.
આ સમસ્યા સામાન્ય રીતે ઘણા કારણોસર થાય છે. ઉદાહરણ તરીકે, જો ફોનના સ્પીકરમાં એટલે કે હાર્ડવેરમાં ખામી હોય, તો તમે એપ્સની મદદથી પણ તેને ઠીક કરી શકશો નહીં. આ ઉપરાંત, ગંદકી જમા થવાને કારણે પણ આવું થાય છે.
