વીજળી અને સમય બંને બચશે, Smart Geyser વડે તમારા બાથરૂમને બનાવો ટોટલી સ્માર્ટ, જાણો તેની વિશેષતા
શિયાળામાં ગરમ પાણી માટે સ્માર્ટ ગીઝર શ્રેષ્ઠ વિકલ્પ છે. Wi-Fi કનેક્ટિવિટી અને સ્માર્ટ સેન્સરથી સજ્જ આ ગીઝર મોબાઇલ એપ્લિકેશન દ્વારા નિયંત્રિત કરી શકાય છે.
વીજળી બચત અને સ્માર્ટ સલામતી સિસ્ટમ : પરંપરાગત ગીઝર સતત પાવર ખેંચે છે, જ્યારે સ્માર્ટ ગીઝરમાં સ્ટેન્ડબાય કટ-ઓફ ફીચર હોય છે, જે વીજળીની બચત કરે છે. ઘણા મોડેલો માત્ર 1 વોટથી પણ ઓછી વીજળી પર કલાકો સુધી કાર્ય કરી શકે છે. પરિણામે 30થી 40 ટકા વીજળી બચત શક્ય બને છે. સાથે સાથે, સ્માર્ટ ગીઝર સલામતીની દૃષ્ટિએ પણ અદ્યતન છે. તેમાં ઓવરહિટિંગ પ્રોટેક્શન, લીક ડિટેક્શન અને મોબાઇલ એલર્ટ સિસ્ટમ હોય છે. કોઈપણ ખામી અથવા લીક જણાતા જ તમને તરત જ નોટિફિકેશન મળે છે.
કસ્ટમાઇઝ્ડ હીટિંગ મોડ્સ : ઘણા સ્માર્ટ ગીઝર વપરાશકર્તાની જરૂરિયાત પ્રમાણે વિવિધ બાથ મોડ્સ પ્રદાન કરે છે. જેમ કે શાવર, વોશ અથવા બાથટબ મોડ. દરેક મોડમાં પાણીનું તાપમાન અને પ્રવાહ કસ્ટમાઇઝ કરી શકાય છે.
ટેક-ફ્રેન્ડલી વિકલ્પ : જો તમે ટેકનોલોજી સાથે સુવિધા ઇચ્છો છો અને વીજળી બચાવવી પણ તમારી પ્રાથમિકતા છે, તો સ્માર્ટ ગીઝર તમારા માટે ઉત્તમ વિકલ્પ છે. તમે તેને ક્યાંયથી પણ નિયંત્રિત કરી શકો છો. પછી તમે ઓફિસમાં હો કે બેડરૂમમાં. આ રીતે, સ્માર્ટ ગીઝર માત્ર પાણી ગરમ કરવાનું સાધન નથી, પરંતુ તે હવે એક સ્માર્ટ ઉપકરણ બની ગયું છે, જે સુવિધા, સલામતી અને ઊર્જા કાર્યક્ષમતાને નવી ઊંચાઈ આપે છે.
