Skoda Kushaq facelift 2026: નવી ‘Skoda Kushaq’ ફેસલિફ્ટ ભારતમાં લોન્ચ; મસાજ સીટ્સ અને 8-સ્પીડ ગિયરબોક્સ સાથે બદલાઈ ગયો આખો લુક
Skoda Auto India એ ભારતીય રસ્તાઓ પર રાજ કરવા માટે તેની લોકપ્રિય SUV કુશાકનું 2026 ફેસલિફ્ટ મોડેલ ઉતારી દીધું છે. સેગમેન્ટમાં પહેલીવાર મળતા હાઈ-ટેક ફીચર્સ હવે ક્રેટા અને સેલ્ટોસ જેવી દિગ્ગજ કારોને જોરદાર ટક્કર આપશે. શું છે આ કારમાં ખાસ? વાંચો આ ખાસ રિપોર્ટ...
સ્કોડાએ પોતાની પ્રીમિયમ SUV કુશાકને નવા અવતારમાં રજૂ કરીને ઓટો માર્કેટમાં હલચલ મચાવી દીધી છે. કંપનીએ તેની શરૂઆતી એક્સ-શોરૂમ કિંમત ₹10.69 લાખ રાખી છે, જે ટોપ મોડેલ માટે ₹18.99 લાખ સુધી જાય છે. રસપ્રદ વાત એ છે કે, જૂના મોડેલની સરખામણીએ કિંમતમાં માત્ર ₹3,000 નો જ વધારો થયો છે.
એક્સટિરિયર ડિઝાઇન: પહેલા કરતા વધુ આકર્ષક- નવી કુશાક હવે વધુ બોલ્ડ લુકમાં જોવા મળશે: (01) ફ્રન્ટ લુક: નવી પહોળી ગ્રીલ, નવા બમ્પર અને આધુનિક LED હેડલેમ્પ્સ આપવામાં આવ્યા છે. પ્રીમિયમ વેરિએન્ટમાં ગ્રીલની અંદર ઇનબિલ્ટ લાઇટબાર પણ મળે છે. (02) સાઈડ અને રિયર: કારમાં નવા ડિઝાઇનના એલોય વ્હીલ્સ અને પાછળની તરફ નવી લાઇટબાર સ્ટાઇલ વાળી ટેલલેમ્પ્સ કારને સ્પોર્ટી લુક આપે છે.
ઇન્ટિરિયર અને હાઈ-ટેક ફીચર્સ: કારની અંદર પગ મૂકતા જ તમને લક્ઝરીનો અહેસાસ થશે. સ્કોડાએ આ વખતે મુસાફરોની સુવિધા પર ખાસ ધ્યાન આપ્યું છે: (01) સેગમેન્ટ ફર્સ્ટ ફીચર: આ સેગમેન્ટમાં પહેલીવાર પાછળની સીટો પર મસાજ સીટ્સ આપવામાં આવી છે. (02) ડિજિટલ દુનિયા: 10.25-ઇંચનું નવું ડિજિટલ ઇન્સ્ટ્રુમેન્ટ ક્લસ્ટર અને AI વોઇસ આસિસ્ટન્ટ સાથે 10.1-ઇંચની મોટી ઇન્ફોટેનમેન્ટ સિસ્ટમ ઉપલબ્ધ છે. (03)પાનરોમિક સનરૂફ: હવે કારમાં મોટું પાનરોમિક સનરૂફ અને સાઉન્ડ સિસ્ટમમાં સબવૂફરની સુવિધા પણ ઉમેરવામાં આવી છે.
એન્જિન અને પાવરફુલ 8-સ્પીડ ગિયરબોક્સ- કારના મિકેનિકલ પાર્ટમાં સૌથી મોટો ફેરફાર તેના ટ્રાન્સમિશનમાં છે: (01)નવું ગિયરબોક્સ: 1.0-લિટર TSI એન્જિનમાં હવે જૂના 6-સ્પીડને બદલે નવું 8-સ્પીડ ઓટોમેટિક ગિયરબોક્સ મળશે. (02) માઈલેજ: કંપનીનો દાવો છે કે 1.0-લિટર મેન્યુઅલ 19.66 kmpl અને નવું 8-સ્પીડ ઓટોમેટિક વેરિએન્ટ 19.09 kmpl ની શાનદાર માઈલેજ આપશે. (03)એન્જિન ઓપ્શન: કારમાં 1.0-લિટર અને 1.5-લિટર TSI પેટ્રોલ એન્જિનના વિકલ્પો યથાવત રાખવામાં આવ્યા છે.
કોની સાથે થશે ટક્કર? : ભારતીય બજારમાં નવી કુશાક ફેસલિફ્ટનો સીધો મુકાબલો હ્યુન્ડાઈ ક્રેટા, મારુતિ ગ્રાન્ડ વિટારા, કિયા સેલ્ટોસ, ટોયોટા હાઈરાઈડર અને હોન્ડા એલિવેટ જેવી લોકપ્રિય કારો સાથે થશે.
જો તમે ₹11 લાખની આસપાસના બજેટમાં એક સુરક્ષિત, લક્ઝુરિયસ અને પાવરફુલ SUV શોધી રહ્યા હોવ, તો નવી સ્કોડા કુશાક તમારા માટે બેસ્ટ ઓપ્શન સાબિત થઈ શકે છે.
