પંજાબમાં (Punjab) અટારી-વાઘા બોર્ડર પર બોર્ડર સિક્યોરિટી ફોર્સ (BSF)ના જવાનો માટે બુધવાર ખાસ દિવસ હતો કારણ કે આજે કેટલીક સ્કૂલની વિદ્યાર્થિનીઓએ તેમને રાખડી બાંધી હતી.
જો કે 11 ઓગસ્ટ ગુરુવારે દેશભરમાં રક્ષાબંધન મનાવવામાં આવશે, પરંતુ BSF જવાનોને એક દિવસ પહેલા જ આ તહેવાર મનાવવાનો મોકો મળ્યો.
ઘણીવાર એવું જોવા મળે છે કે રક્ષાબંધન પહેલા સેનાના જવાનો છોકરી પાસે રાખડી બંધાવે છે. આ પ્રસંગે તમામ સૈનિકો તેમને ભેટ કે પૈસા આપીને ખુશીથી વિદાય આપે છે.
રક્ષાબંધનના દિવસે ભાઈ પોતાની બહેનની દરેક ઈચ્છા પૂરી કરવાનો પ્રયાસ કરે છે અને સાથે જ તેને સારી ભેટ પણ આપે છે.
આ વર્ષે રક્ષાબંધનની તારીખને લઈને શંકાની સ્થિતિ છે. કેટલાક જ્યોતિષીઓનું માનવું છે કે 11મી ઓગસ્ટે રક્ષાબંધનનો તહેવાર ઉજવવો શુભ રહેશે, જ્યારે કેટલાક પંડિતોનું માનવું છે કે આ તહેવાર 12મી ઓગસ્ટે ઉજવવો યોગ્ય રહેશે.
