Surat News : સુરત મહાનગરપાલિકાએ અવનવી સાડી પહેરેલી મહિલાનું વોકેથોન યોજ્યું, દરેક રાજ્યની સંસ્કૃતિના થયા દર્શન- જુઓ Walkathon PHOTOS
Saree Walkathon Photos : આજે સુરતમાં યોજાયેલા સાડી વોકેથોનમા અલગ અલગ પ્રાંતની મહિલાઓએ પરંપરાગત સાડી પહેરીને વોકેથોનમાં ભાગ લીધો હતો. સુરતના અલથાણ પોલીસ ગ્રાઉન્ડ થી પાર્લે પોઇન્ટ સુધી ત્રણ કિલોમીટર સાડી પહેરીને ચાલી હતી.
સુરત સાડી વોકેથોનમાં ઉમળકાભેર ભાગ લેવા માટે 15 હજાર જેટલી મહિલાઓએ રજીસ્ટ્રેશન કરાવ્યું હતું. સુરત ભારતનું ટેક્સ્ટાઇલ હબ ગણવામાં આવે છે. સુરતમાં ભારતના વિવિધ પ્રાંતના લોકો રોજગારી માટે વસવાટ કરે છે. ત્યારે આજે સુરતમાં યોજાયેલા સાડી વોકેથોનમા અલગ અલગ પ્રાંતની મહિલાઓએ પરંપરાગત સાડી પહેરીને વોકેથોનમાં ભાગ લીધો હતો.
ભારતમાં યોજાયેલા સાડી વોકેથોનમા અલગ અલગ પ્રાંતની મહિલાઓએ પરંપરાગત સાડી પહેરીને વોકેથોનમાં ભાગ લીધો હતો. સુરતના અલથાણ પોલીસ ગ્રાઉન્ડ થી પાર્લે પોઇન્ટ સુધી ત્રણ કિલોમીટર સાડી પહેરીને ચાલી હતી.
મહિલાઓ ગુજરાત, કર્ણાટક,રાજસ્થાન,મહારાષ્ટ્ર,રાજસ્થાન,કેરલા,ઓડિશા, તેલાંગણા,પંજાબ,પશ્ચિમ બંગાળ, સિંઘ પ્રાંત, હિમાચલ પ્રદેશ, હરિયાણા, ઝારખંડ, બિહાર, આંધ્રપ્રદેશની પારંપરીક સાડીમાં સજ્જ થઈ વહેલી સવારે પહોંચી હતી. જ્યાં કેટલીક મહિલાઓ કલર કોડ, તો કોઈ પટોળા, ઘરચોળું કે નવવારી સહિત અલગ અલગ પ્રકારની સાડીમાં જોવા મળી હતી.
સુરત પોલીસ પરેડ ગ્રાઉન્ડ ખાતે ત્રિદિવસીય હેન્ડલુમ એક્સ્પો પણ ખુલ્લું મુકવામાં આવ્યું હતું. વાઇબ્રન્ટ સુરતની તાસીર છે કે કોઈપણ ઇવેન્ટને સફળ બનાવે છે. સાડી વોકથોનમાં 15000થી વધુ મહિલાઓએ રજિસ્ટ્રેશન કરાવ્યું હતું અને સાડી પરીધાન કરીને આવેલી મહિલાઓમાં એક અનોખો ઉત્સાહ જોવા મળ્યો હતો.
આ સાડી વોકેથોનમાં ભાજપ પ્રદેશ પ્રમુખ સી આર પાટીલ તેમજ દર્શનાબેન, જરદોશ અને ગૃહ મંત્રી હર્ષ સંઘવીએ પણ હાજરી આપી હતી. મહત્વનું એ હતું કે સુરતના પ્રથમ નાગરિક મેયર હેમાલી બોઘાવાલા પણ આ કાર્યક્રમમાં ભાગ લીધો હતો. અને મહિલાઓનો ઉત્સાહ વધાર્યો હતો.
ઘરકામમાં વ્યસ્ત ગૃહિણીઓને સ્વાસ્થ્ય પ્રત્યે સજાગ કરવાના અને ઘરમાં રસોડાથી બહાર લાવવાના મુખ્ય હેતુ સાથે સાડી વોકેથોનનું આયોજન કરવામાં આવ્યું છે. ખાસ કરીને આ પોગ્રામમાં અલગ અલગ 15 રાજ્યોની 50-50 મહિલાઓના ગ્રુપ દ્વારા વોકેથોનના પ્રારંભ પૂર્વે પોતાના રાજ્યના પહેરવેશમાં રેમ્પ વોક પણ કર્યું હતું.
