TV9 GUJARATI | Edited By: Nirupa Duva
Dec 10, 2021 | 8:41 AM
ભારતીય ટીમનો કેપ્ટન વિરાટ કોહલી આ યાદીમાં ચોથા સ્થાન પર છે. જોકે તે સચિન તેંડુલકરથી પાછળ છે. તેંડુલકરની નિવૃત્તિને આઠ વર્ષ થઈ ગયા છે, તેમ છતાં તે હજુ પણ દરેકની પ્રથમ પસંદગી છે.
ભારતના મહાન બેટ્સમેન સચિન તેંડુલકરે પોતાના કરિયરમાં એવા ઘણા પરાક્રમ કર્યા છે જે કરવાનું કોઈ વિચારી પણ ન શકે. 100 સદીથી લઈને પ્રથમ બેવડી સદી સુધી અસંખ્ય રેકોર્ડ સચિનના બેટમાંથી બહાર આવ્યા. આ જ કારણ છે કે માત્ર ભારતમાં જ નહીં, દુનિયા સચિનના ફેન છે.
બ્રિટિશ માર્કેટ રિસર્ચ અને ડેટા એનાલિટિક્સ ફર્મ YouGov અનુસાર, વિશ્વમાં સૌથી વધુ પસંદ કરાયેલા ખેલાડી માન્ચેસ્ટર યુનાઇટેડ સ્ટાર ક્રિસ્ટિયાનો રોનાલ્ડો છે, જે આ યાદીમાં પ્રથમ સ્થાને છે. બીજા સ્થાને તેનો કટ્ટર હરીફ PSG સ્ટાર લિયોનેલ મેસ્સી છે.
આ સાથે સચિન તેંડુલકરે સુનીલ ગાવસ્કરનો 34 ટેસ્ટ સદીનો વર્લ્ડ રેકોર્ડ તોડી નાખ્યો. ગાવસ્કરે 1986માં શ્રીલંકા સામે તેની 34મી અને છેલ્લી સદી ફટકારી હતી અને એક વર્ષ પછી નિવૃત્તિ લીધી હતી. ત્યારથી આ રેકોર્ડ તૂટવાની રાહ જોવાઈ રહી હતી.
YouGov નામની વેબસાઈટે વર્ષ 2021 માટે 'સૌથી વધુ પ્રશંસનીય'ની યાદી બહાર પાડી છે. આ સર્વેમાં દુનિયાભરના ટોપ 20 લોકો વિશે જણાવવામાં આવ્યું છે. યાદીમાં રમત જગતના 4 લોકોને પણ સ્થાન આપવામાં આવ્યું છે, જેમાં સૌથી ટોચ પર નામ છે ક્રિકેટના ભગવાન તરીકે જાણીતા સચિન તેંડુલકરનું.