Reasons To Watch Saiyaara : સૈયારાના હિટ થવા પાછળ છે આ 7 કારણો, વગર પ્રમોશને ફિલ્મ બની બ્લોકબસ્ટર
તમને જાણીને નવાઈ લાગશે પણ આ વાત સત્ય છે સૈયારાનું પ્રમોશન કરવામાં આવ્યું જ નથી તેમજ બન્ને કલાકા તદ્દન નવા છે, ત્યારે આ ફિલ્મ સુપર હિટ થવા પાછળ કયા કારણો છે ચાલો જાણીએ
'સૈયારા'નું કોઈ પ્રમોશન નથી: તમને જણાવી દઈએ કે મોહિત સુરીએ 'સૈયારા'નું કોઈ પ્રમોશન કર્યું નથી અને ફિલ્મને મળી રહેલો જબરદસ્ત પ્રતિસાદ જોઈને લાગે છે કે નિર્માતાઓની આ રણનીતિ કામ કરી ગઈ છે અને ફિલ્મની મજબૂત વાર્તાને કારણે, દર્શકો આ ફિલ્મ જોવા માટે થિયેટરોમાં આવી રહ્યા છે.
શાનદાર સંગીત: 'સૈયારા' એક સંગીતમય લવ સ્ટોરી વાળી ફિલ્મ છે, જેનું દરેક ગીત લોકોના દિલને ટચ કરી રહ્યું છે. આ ફિલ્મના ગીતો ખૂબ જ પસંદ કરવામાં આવી રહ્યા છે અને દર્શકો થિયેટરને એક મીની કોન્સર્ટ બનાવી રહ્યા છે. આ ફિલ્મના ટાઈટલ સૈયારા 'સૈયારા' ઉપરાંત, 'હમસફર' પણ લોકોના દિલ જીતી રહ્યું છે.
અનિત પડ્ડાની માસૂમિયત: 'સૈયારા'માં અનિત પડ્ડાની માસૂમિયતએ દર્શકોના દિલ જીતી લીધા છે. આ ફિલ્મમાં, હવે અનિતની તુલના અભિનેત્રી શ્રદ્ધા કપૂર સાથે થઈ રહી છે અને કેટલાક લોકો બંનેના લુકની તુલના પણ કરી રહ્યા છે. લોકો કહે છે કે ઘણા સમય પછી, આટલો માસૂમ ચહેરો પડદા પર જોવા મળ્યો છે.
કેમિસ્ટ્રી: અહાન પાંડે પહેલા, આમિર ખાનના પુત્ર જુનૈદ ખાન અને ખુશી કપૂરની જોડી પણ બોક્સ ઓફિસ પર હિટ રહી હતી, પરંતુ બંને વચ્ચેની કેમિસ્ટ્રી ખૂબ જ ખરાબ લાગી રહી હતી. જોકે, 'સૈયારા' ફિલ્મમાં અહાન અને અનિતની કેમિસ્ટ્રી અને તેમના અભિનયની ખૂબ પ્રશંસા થઈ રહી છે.
વર્ષો પછી બોક્સ ઓફિસ પર લવ સ્ટોરી પાછી આવી : તમને જણાવી દઈએ કે વર્ષો પછી એક રોમેન્ટિક ફિલ્મ બોક્સ ઓફિસ પર પાછી આવી છે, જેની સાથે આજની યુવા પેઢી ઘણી બધી રીતે જોડાયેલી છે અને આ જ કારણ છે કે સાયરા સીધી લોકોના હૃદયમાં સ્થાન મેળવી ગઈ છે.
Published On - 3:46 pm, Mon, 21 July 25
