કોણ છે રણવીર અલ્હાબાદિયાની Girlfriend જુહી ભટ્ટ? આવી રીતે કન્ફર્મ કર્યા રિલેશન, જુઓ Photos
યુટ્યુબર રણવીર અલ્હાબાદિયાએ અભિનેત્રી અને ડિજિટલ ક્રિએટર જુહી ભટ્ટ સાથેના પોતાના સંબંધોની પુષ્ટિ કરી છે. IPL મેચ દરમિયાન સાથે દેખાયા બાદ, તેમણે ઇન્સ્ટાગ્રામ પર મસાઈ મારા ટ્રિપના રોમેન્ટિક ફોટોઝ શેર કર્યા છે.
Ranveer Allahbadia GF: યુટ્યુબર રણવીર અલ્હાબાદિયા ફરી એકવાર ચર્ચામાં આવ્યા છે, પરંતુ આ વખતે કોઈ વિવાદને કારણે નહીં, પરંતુ તેમની પર્સનલ લાઈફને લઈને. "ઇન્ડિયાઝ ગોટ લેટેન્ટ" વિવાદ બાદ સતત સમાચારોમાં રહેલા રણવીરે હવે પોતાના નવા સંબંધને જાહેર કરી દીધો છે.
તાજેતરમાં રણવીર એક રહસ્યમય યુવતી સાથે આઈપીએલ મેચ દરમિયાન જોવા મળ્યા હતા, જેને લઈને સોશિયલ મીડિયા પર અનેક અટકળો ચાલી રહી હતી. હવે આ અટકળો પર પૂર્ણવિરામ મૂકતા તેમણે પોતાના ઇન્સ્ટાગ્રામ પર કેટલાક ફોટા શેર કરીને સંબંધની પુષ્ટિ કરી છે. આ તસવીરોમાં તેઓ અભિનેત્રી અને ડિજિટલ ક્રિએટર જુહી ભટ્ટ સાથે ખૂબ જ નજીક જોવા મળે છે.
રણવીરે શેર કરેલા ફોટા મસાઈ મારાની તેમની ટ્રિપ દરમિયાનના છે, જેમાં બંને સાથે સમય પસાર કરતા અને આનંદ માણતા દેખાય છે. ફોટા સાથે તેમણે એક ભાવુક કેપ્શન પણ લખ્યું હતું: “સૂર્ય, ચંદ્ર, તારાઓ અને તેની વચ્ચેની દરેક વસ્તુ… શું તમે ક્યારેય કોઈ એવા વ્યક્તિને મળ્યા છો જેનો પ્રકાશ દુનિયાની બધી નકારાત્મકતા દૂર કરી શકે?” આ પોસ્ટ બાદ ચાહકો અને સોશિયલ મીડિયા યુઝર્સ દ્વારા ઘણી પ્રતિક્રિયાઓ આવી રહી છે.
જુહી ભટ્ટ મુંબઈમાં રહે છે અને અભિનેત્રી હોવા ઉપરાંત ડિજિટલ કન્ટેન્ટ ક્રિએટર તરીકે પણ જાણીતી છે. તેણે અનેક વેબ સિરીઝ અને મ્યુઝિક વીડિયોમાં કામ કર્યું છે. ખાસ કરીને, તે માહી વે ગીતમાં અર્જુન કાનુન્ગો સાથે દેખાઈ હતી. તાજેતરમાં તેણે “ભય: ધ ગૌરવ તિવારી મિસ્ટ્રી” શોમાં પણ કામ કર્યું છે.
સોશિયલ મીડિયા પર જુહી ખુબ જ એક્ટિવ છે અને ફેશન, લાઇફસ્ટાઇલ તથા ફિટનેસ સંબંધિત વીડિયો શેર કરતી રહે છે. ઇન્સ્ટાગ્રામ પર તેના 4.8 લાખથી વધુ ફોલોઅર્સ છે, જે તેની લોકપ્રિયતાને દર્શાવે છે.
રણવીર અને જુહીના સંબંધ વિશે અગાઉ પણ સંકેત મળ્યા હતા. થોડા દિવસો પહેલા જુહીએ મસાઈ મારાનો એક વીડિયો શેર કર્યો હતો, જેમાં રણવીર નજરે પડતા હતા, પરંતુ તેમનો ચહેરો સ્પષ્ટ દેખાતો નહોતો. હવે બંનેએ ખુલ્લેઆમ ફોટા શેર કરીને તેમના સંબંધને જાહેર કરી દીધો છે.
અગાઉ રણવીર નિક્કી શર્મા સાથે રિલેશનશિપમાં હતા. ગોવાની ટ્રિપ બાદ તેમણે તેમના સંબંધની પુષ્ટિ કરી હતી, પરંતુ બાદમાં બંને વચ્ચે બ્રેકઅપ થઈ ગયું હતું. તે સમયે પણ આ મુદ્દો ચર્ચામાં રહ્યો હતો. હાલમાં, રણવીર અને જુહીના આ નવા સંબંધને લઈને સોશિયલ મીડિયા પર ભારે ચર્ચા ચાલી રહી છે અને ચાહકો તેમને શુભેચ્છાઓ પાઠવી રહ્યા છે.
