રાજુલાની રાણી ‘ક્વિને’ સર્જ્યો વર્લ્ડ રેકોર્ડ, 300 કિલોમીટરનું અંતર ચાલીને પોતાના સામ્રાજ્યમાં પરત ફરી !
રાજુલાની રાણી ક્વિને વર્લ્ડ રેકોર્ડ સર્જ્યો છે. ક્વિને પોતાના સામ્રાજ્યમાં ફરી સ્થાયી થવા માટે 300 કિલોમીટરનું અંતર સિંહબાળ સાથે ચાલી-ચાલીને કાપી નાખ્યુ. વન્ય જીવોના ઈતિહાસમાં ભાગ્યે જ કોઈ સિંહ કે સિંહણ આટલુ ચાલે છે. પરંતુ પોતાના સામ્રાજ્યમાં ફરી પહોંચવા માટે દૃઢ મનોબળની આ સિંહણે જાણે નક્કી કરી લીધુ હતુ કે તે ફરી તેના વિસ્તારમાં પરત ફરીને જ રહેશે.
સિંહ નિષ્ણાંતોના જણાવ્યા મુજબ આ ઘટનાની ગંભીરતા સમજી સિંહ કે સિંહબાળ ભટક્તા ભટક્તા કોઈ અકસ્માતનો ભોગ ન બને તે હેતુથી તેમની સુરક્ષાને ધ્યાને લઈ વનવિભાગ દ્વારા રાજુલા રેવન્યુ વિસ્તારમાં મુક્ત કરી દેવાઈ છે.
સિંહો ઉપર સંશોધન કરનારા સિંહ નિષ્ણાંતોના જણાવ્યા મુજબ ક્વીન રાજુલાની રાણી છે અને ઘણી પ્રભાવશાળી સિંહણ છે. આ રાજુલાની રાણી તેના ભવ્ય દેખાવ, બહાદુરી અને મક્કમ મનોબળ માટે પ્રસિદ્ધ છે. મોટાભાગે નીલગાય જેવા જ મારણો કરે છે. સામાન્ય પશુ જેવા ખૂબ ઓછા મારણો કરે છે ઉપરાંત અન્ય સિંહોને સાચવે છે સાથે રાખે છે જેથી અન્ય સિંહો આ રાણીની રાહ જોઈ રહ્યા હતા.રાજુલામાં તેણે પોતાના બચ્ચા સિવાયના 7 સિંહબાળોને જતનથી ઉછેર્યા છે. તેના આ પ્રેમાળ સ્વભાવને કારણે તેને ક્વીનનું નામ અપાયુ છે.
આ સિંહણની ખાસિયત એ છે કે તેણે 10 વર્ષની ઉમરે ચાર બચ્ચાને જન્મ આપ્યો હતો. 10 વર્ષથી મોટી ઉમરે કોઈ સિંહણ ભાગ્યે જ ચાર બચ્ચાને જન્મ આપે છે. બીજી ખાસિયત એ છે કે ક્વિન જ્યારે બીજી વખત માતા બની ત્યારે તેના પ્રથમ બાળકો 13 મહિનાના હતા. સામાન્ય રાતે સિંહણના બે વખત માતૃત્વ ધારણ કરવા વચ્ચે 2 વર્ષનું અંતર રહે છે. પરંતુ ક્વિને 13 મહિનાના અંતરાલમાં બાળકોને જન્મ આપ્યો. જે એક વર્લ્ડ રેકોર્ડ છે.
રાજુલા રેવન્યુ વિસ્તારમાં હાલમાં આ સિંહણની દરેક મુવમેન્ટ પર વનવિભાગ નજર રાખી રહ્યુ છે. સતત મોનિટરીંગ કર્યુ રહ્યુ છે. ક્યાં વસવાટ કરી રહી છે, કેવી રીતે રહે છએ તે દરેક બાબત પર વિશેષ નજર રાખવામાં આવી રહી છે. Input Credit Jaydev kathi- Amreli
Published On - 8:10 pm, Mon, 27 November 23
