બોસ લેડી વાળા લુકમાં દેખાઈ પ્રિયંકા ચોપરા, પેન્ટશૂટ ડ્રેસની આટલી છે કિંમત
હાલમાં પ્રિયંકા ચોપરા 3 વર્ષ બાદ ભારત આવી છે. તેની સાથે જ તે તેના લુક અને ફેશન-સ્ટાઈલને કારણે ચર્ચામાં આવી છે. તે સોશિયલ મીડિયા પર ફોટોશૂટના ફોટો પણ શેયર કરી રહી છે.
લાંબા સમય બાદ મુંબઈ પહોંચેલી પ્રિયંકા ચોપરા ફરી એકવાર શાનદાર અંદાજમાં જોવા મળી છે. સ્ટાઈલિશ પેન્ટ શૂટમાં તે બોસ લેડી અવતારમાં જોવા મળી રહી છે. પ્રિયંકાનો આ અંદાજ લોકોને ખુબ ગમી રહ્યો છે.
છેલ્લા કેટલાક વર્ષોથી પ્રિયંકા પોતાના લુક્સ પર ઘણા પ્રયોગો કરી રહી છે. ભારતમાં આવ્યા બાદ તે તેના આ જ અંદાજથી લોકોને ઈમ્પ્રેસ પણ કરી રહી છે. તેના ફોટો સોશિયલ મીડિયા પર વાયરલ થઈ રહ્યા છે.
પ્રિયંકા એ ઈન્ડિગો રંગનું આઉટફિટ પહેર્યુ છે. પ્રિયંકા એ કોટ-પેન્ટ અને બ્રાલેટ આઉટફિટ પહેર્યુ છે. તે ખુલ્લા વાળો સાથે લુકને વધારે પ્રભાવશાળી બનાવી રહી છે.
પ્રિયંકા ચોપરાનું આ આઉટફિટ Ronny Kobo નામની વેબસાઈટ પર ઉપલબ્ધ છે. આ આઉટફિટની કિંમત 1174 ડોલર છે. ભારતીય ચલણ અનુસાર તેની કિંમત લગભગ 96,208 રુપિયા છે.
પ્રિયંકા ચોપરા પોતાના હેર કેર બ્રાન્ડના પ્રમોશન માટે ભારત આવી છે. તે હાલમાં V નેકલાઈનવાળા આઉટફિટમાં ગ્લેમરસ લાગી રહી હતી.