સુરત પહોંચ્યા વડાપ્રધાન મોદી, એરપોર્ટ પર CM ભૂપેન્દ્ર પટેલ અને સી. આર.પાટીલ દ્વારા કરાયુ સ્વાગત,જુઓ PHOTOS
ગુજરાત વિધાનસભા ચૂંટણીની જાહેરાતને હવે ગણતરીના દિવસો જ બાકી રહ્યા છે એવા સમયે પીએમ મોદીના ગુજરાત પ્રવાસને મહત્વનો માનવામાં આવે છે.
સુરતમાં 22 પ્રોજકટનું તેઓ લોકાર્પણ કરશે. વોટર સપ્લાય, ડ્રેનેજ નેટવર્ક, રોડ, ઇન્ટિગ્રેટેડ કમાન્ડ એન્ડ કંટ્રોલ સેન્ટર, સ્મશાનભૂમિ, સિટી બસ ડેપો, 25 લોકેશન પર ઇ-ચાર્જિંગ સ્ટેશન અને સાયન્સ સેન્ટરમાં ખોજ મ્યુઝિયમ ખુલ્લું મુકશે.આ પ્રોજેક્ટો પાછળ પાલિકાને 1247 કરોડનો ખર્ચ થયો છે.
ઉપરાંત ખજોદમાં ડ્રીમ સિટી ખાતે આધુનિક સુવિધા તેમજ CCTV મોનીટરિંગ સિસ્ટમ સહિતની સુવિધા લોકો માટે ખુલ્લી મુકાશે. આ સાથે જ 103 કરોડના ખર્ચે નવા રોડ, વોટર, સુએઝ, ટર્સરી ટ્રીટમેન્ટ સહિતના ઇન્ફ્રાસ્ટ્રક્ચરનું પણ લોકાર્પણ કરાશે. જ્યારે મગોબ, ડુંભાલ અને પરવત ખાતે 24 કલાક પાણી સપ્લાય કરવા 144 કરોડના ખર્ચે બનેલા પ્લાન્ટનું લોકાર્પણ કરાશે. કોસાડમાં 81 કરોડના ખર્ચે 212 MLDનો પ્લાન્ટ પણ કાર્યરત થશે.લિંબાયતમાં 19.17 કરોડના ખર્ચે બનેલા અધ્યતન સ્મશાનને પણ ખુલ્લુ મુકાશે.
Published On - 11:24 am, Thu, 29 September 22
