President Murmuએ સંથાલી સાડી પહેરીને લીધી શપથ, જાણો આ સાડીની ખાસિયત
આજે ભારતને તેના નવા રાષ્ટ્રપતિ મળ્યા. દેશના 15મા રાષ્ટ્રપતિ દ્રૌપદી મુર્મુએ (President Murmu) શપથ ગ્રહણ દરમિયાન જે સાડી પહેરી હતી તે ખૂબ જ ખાસ હતી. ચાલો જાણીએ આ સાડી વિશે.
આજે ભારતને તેના નવા રાષ્ટ્રપતિ મળ્યા. દ્રૌપદી મુર્મુએ આજે દેશના 15મા રાષ્ટ્રપતિ તરીકે શપથ લીધા હતા. પોતાની સાદગી માટે પ્રખ્યાત દ્રૌપદી મુર્મુએ આજે પણ સાદી શૈલીમાં દેખાયા હતા. દેશના 15મા રાષ્ટ્રપતિ દ્રૌપદી મુર્મુએ શપથ ગ્રહણ દરમિયાન જે સાડી પહેરી હતી તે ખૂબ જ ખાસ હતી.
રાષ્ટ્રપતિ દ્રૌપદી મુર્મુ દ્વારા પહેરવામાં આવતી સાડી તે સાડીને સંથાલી સાડી કહેવામાં આવે છે. દ્રૌપદીએ જે સાડી પહેરી હતી તે લીલા-લાલ બોર્ડરવાળી સફેદ સંથાલી સાડી હતી. આ સાડી હાથ વડે બનાવવામાં આવે છે.
વણકર આ સાડીને બારીક રંગના દોરાઓથી બનાવે છે. જણાવી દઈએ કે, એક સમયે આદિવાસી સમાજમાં આ પ્રકારની સાડી ખાસ પ્રસંગોએ ખાસ પહેરવામાં આવતી હતી. આ સાડી સંપૂર્ણ પરંપરાગત શૈલીની છે.
આ સાડી પૂર્વ ભારતમાં સંથાલ સમુદાયની છે. આ સાડી ઓડિશા, પશ્ચિમ બંગાળ, ઝારખંડ અને આસામમાં ખૂબ પ્રખ્યાત છે. હાથથી બનેલી હોવાને કારણે આ સાડીની કિંમત પણ થોડી વધારે છે. આ સાડીની કિંમત હજારોમાં હોય છે.
પહેલાના સમયમાં આ સાડીઓ પર ખાસ ત્રણ ધનુષની ડિઝાઇન બનાવવામાં આવતી હતી, જે સ્ત્રી સ્વતંત્રતાનું પ્રતિક માનવામાં આવતી હતી. જેમ જેમ સમય આગળ વધતો ગયો તેમ તેમ આ સાડીઓ પર અલગ અલગ ડિઝાઈન બનાવવામાં આવી.