PM મોદી નવા વર્ષે દુનિયાના સુંદર ટાપુ પર કરશે રાત્રી રોકાણ, જેની ગુજરાતીએ કરી છે કાયાપલટ
વડાપ્રધાન નરેન્દ્ર મોદી નવા વર્ષેની શરુઆતે દુનિયાના સુંદર ટાપુઓની મુલાકાત લેનાર છે. ભારતમાં જ આવેલા વિશ્વના સૌથી ટાપુઓ પૈકીના એક સમુહ પર PM મોદીને આવકારવા માટે તમામ તૈયારીઓ થઈ ચુકી છે. સુંદર ટાપુને છેલ્લા બે-ત્રણ વર્ષમાં કાયાપલટ કરીને વધુ સુંદર બનાવાયો છે. અહીં સ્થાનિકોને રોજગારી થી લઈને પ્રવાસ સુધી તમામ સુવિધાઓને વિકસાવવામાં આવી છે.
લક્ષદ્વીપના સુંદર દરિયામાં વોટર વિલા મોટા પ્રમાણમાં તૈયાર કરવામાં આવી રહ્યા છે. અહીં પ્રવાસીઓનો ધસારો રહેતો હોય છે, જેને ધ્યાનમાં રાખીને પ્રવાસીઓની સુવિધાઓ વધારવા માટે પ્રયાસ કરવામાં આવ્યો છે. લક્ષદ્વીપ ક્યુબા માટે પણ જાણીતું સ્થળ છે અને દેશ વિદેશથી અહીં આ માટે પ્રવાસીઓ આવે છે.
સ્થાનિક લોકોને રોજગારી અને શિક્ષણ માટે વિશેષ પ્રયાસો કરવામાં આવ્યા છે. મત્સ્યઉદ્યોગ, પશુપાલન, ખેતી, બાગાયતી, સહિત અનેક પ્રકારે રોજગારી વધારવા માટે પ્રયાસ કરવામાં આવ્યો છે. જેથી સ્થાનિકોનું જીવન ધોરણ વધારે ઉંચુ થઈ શકે.
સુંદર ટાપુનો દરિયા કિનારો અદ્ભૂત છે. અહીં એકદમ સ્વચ્છ દરિયાઈ પાણી, 11 લાખ નારીયેળીના વૃક્ષો અને વ્હાઈટ સેન્ડ સાથે કુદરતી સૌંદર્ય જબરદસ્ત છે. જે પ્રવાસન માટે સુંદર સ્થળ છે અને એટલે જ તેનો વિકાસ પ્રફુલ પટેલે હાથ ધર્યો છે.
અહીં વધુ મોટું એરપોર્ટથી લઈને હજુ અનેક સુવિધાઓના કાર્યો ઝડપભેર હાથ ધરાયા છે. પ્રવાસીઓની જરુરિયાતોને ધ્યાનમાં રાખીને તમામ નવી સુવિધાઓ ઉભી કરાશે અને માલદીવ સહિતના પર્યટન સ્થળોને ભૂલાવી દેશે. માલદીવનું હવાઈ અંતર લક્ષદ્વીપથી માત્ર 15 મિનિટ છે.
વડાપ્રધાન મોદીને આવકારવા માટે તમામ તૈયારીઓ લક્ષદ્વીપમાં કરી દેવામાં આવી છે. પ્રશાસન દ્વારા તૈયારીઓને લઈ છેલ્લા કેટલાક દિવસથી પૂરજોશમાં કાર્ય હાથ ધરાયા હતા.
Published On - 11:46 am, Sun, 31 December 23
