અસમમાં રચાયો ઈતિહાસ, PM મોદીની સામે 11000 કલાકારોએ કર્યો બિહૂ ડાન્સ
Bihu dance: આજે અસમમાં વડાપ્રધાન મોદીની હાજરીમાં ઈતિહાસ રચાયો છે. અસમના ગુવાહાટીમાં દુનિયાનો સૌથી મોટો બિહૂ ડાન્સ સમારોહ યોજાયો હતો. આ કાર્યક્રમના ફોટો હાલમાં સોશિયલ મીડિયા પર વાયરલ થઈ રહ્યા છે.
આજે અસમમાં વડાપ્રધાન મોદીની હાજરીમાં ઈતિહાસ રચાયો છે. અસમના ગુવાહાટીમાં દુનિયાનો સૌથી મોટો બિહૂ ડાન્સ સમારોહ યોજાયો હતો. આ કાર્યક્રમના ફોટો હાલમાં સોશિયલ મીડિયા પર વાયરલ થઈ રહ્યા છે. આ કાર્યક્રમમાં 11000થી વધારે કલાકારોએ ભાગ લીધો હતો.
આ કાર્યક્રમમાં પારંપરિક વેશભૂષામાં અસમના બિહૂ ડાન્સનું ખાસ પ્રદર્શન કરવામાં આવ્યું હતું. મળતી માહિતી અનુસાર 31 જિલ્લાના કલાકારો આ સમારોહમાં હાજર રહ્યા હતા.
વડાપ્રધાન મોદીની સામે 11 હજારથી વધારે ડાન્સરોએ બિહુ ડાન્સ પ્રસ્તુત કર્યો હતો. આ ઐતિહાસિક ઘટના ગિનિસ બુક ઓફ રેકોર્ડમાં નોંધાઈ ગઈ છે. આ કાર્યક્રમમાં અસમના મુખ્યમંત્રી હિમંતા બિસ્વા સરમા પણ હાજર રહ્યાં હતા.
આ કાર્યક્રમ સરસજઈ સ્ટેડિયમમાં યોજાયો હતો. આ ઐતિહાસિક ઘટના જોવા માટે સ્ટેડિયમ ખચાખચ ભરાઈ જાય એટલા દર્શકો હાજર રહ્યા હતા.
વડાપ્રધાન મોદીએ આ કાર્યક્રમને અદ્દભુત ગણાવ્યો હતો. તેમણે જણાવ્યું હતું કે અસમે પોતાની સંસ્કૃતિને સાચવીને રાખી છે.
Published On - 10:47 pm, Fri, 14 April 23