PM Modi in Shahdol: આદિવાસી સમુદાયને મળ્યા, બાળકોને કર્યું વ્હાલ, પકરિયામાં પીએમ મોદીની અનોખી શૈલી
વડાપ્રધાન નરેન્દ્ર મોદી શનિવારે મધ્યપ્રદેશના શહડોલ જિલ્લાના પકરિયા ગામમાં પહોંચ્યા હતા. અહીં તેઓ આદિવાસી આગેવાનો અને બાળકોને મળ્યા હતા.
પીએમ મોદીને સાંભળવા માટે મોટી સંખ્યામાં સેલ્ફ હેલ્પ ગ્રુપની મહિલાઓ પણ પહોંચી હતી. પીએમ પણ લોકોની વચ્ચે ખાટલા પર બેઠેલા જોવા મળ્યા હતા. આ દરમિયાન તેમણે લોકોના સંઘર્ષની વાતો પણ સાંભળી હતી.
વડાપ્રધાન નરેન્દ્ર મોદીનું પાકરીયા ગામ પહોંચતા આદિવાસી શૈલીમાં સ્વાગત કરવામાં આવ્યું હતું. તસવીરમાં જોઈ શકાય છે કે આદિવાસી ભાઈ-બહેનો વડાપ્રધાન મોદીની વાત કેટલી ધ્યાનથી સાંભળી રહ્યા છે.
પીએમ મોદીના સ્વાગત માટે આદિવાસી સમુદાયના લોકોએ પણ એક કાર્યક્રમનું આયોજન કર્યું હતું. આ કાર્યક્રમમાં આદિવાસી નૃત્ય રજૂ કરવામાં આવ્યું હતું. લોકો પરંપરાગત વેશભૂષામાં નાચતા જોવા મળ્યા હતા.
તસવીરમાં જોઈ શકાય છે કે વડાપ્રધાન નરેન્દ્ર મોદી ખાટલા પર બેઠા છે અને તેઓ આદિવાસી ડાન્સની મજા માણી રહ્યાં છે. પીએમએ શાહડોલમાં નેશનલ સિકલ સેલ એનિમિયા નાબૂદી મિશન 2047ની પણ શરૂઆત કરી હતી.
પીએમ પણ પાકરીયા ગામમાં બાળકો સાથે જોવા મળ્યા હતા. તેમણે બાળકોની સુખાકારી વિશે પૂછપરછ કરી અને તેમના પ્રશ્નોના જવાબ આપ્યા. તસવીરમાં પીએમ એક બાળક સાથે વાત કરતા જોઈ શકાય છે. (ઇનપુટ ક્રેડિટ- ટીવી9 ભારતવર્ષ)
