Plant In Pot : તલની ચીક્કી બનાવવા આજે ઘરે ઉગાડો તલનો છોડ, જુઓ તસવીરો
વર્તમાન સમયમાં મોટાભાગના લોકોને કિચન ગાર્ડન કરવામાં છોડ ઉગાડવાનો શોખ હોય છે. ત્યારે આપણે કિચન ગાર્ડનમાં ઘણા એવા છોડ ઉગાડી શકીએ છીએ જે ઔષધીય ગુણોથી ભરપૂર હોય છે.તો આજે કૂંડામાં કેવી રીતે તલનો છોડ ઉગાડી શકાય તે જાણીશું.
તલમાં અનેક પ્રકારના પોષણતત્વો સમાયેલા હોય છે. તેનું સેવન કરવાથી અઢળક લાભ થાય છે. આ ઔષધીય ગુણ ધરાવતા તલને તમે આ સરળ ટીપ્સથી ઘરે જ ઉગાડી શકો છો.
તલ છોડ ઉગાડવા માટે સૌથી પહેલા એક મોટુ કૂંડુ લો. તેમાં સારી ગુણવત્તાની માટી લો. તેમાં છાણિયુ ખાતર ભેળવીને સારી રીતે મિક્સ કરો. જેથી છોડ સારી રીતે ઉગી શકે.
હવે માટીમાં 2-3 ઈંચની ઉંડાઈએ તલના બીજને મુકીને ઉપરથી માટી ઢાંકી દો. ત્યારબાદ છોડમાં પાણી નાખો.
છોડને સમયાંતરે પાણી નાખો. તેમજ તેની આસપાસ ઉગેલુ ઘાસને પણ સમયાંતરે દૂર કરતા રહો. જેથી છોડને યોગ્ય પોષણ તત્વો મળી રહે. તેમજ સૂર્યપ્રકાશ મળે તે રીતે કૂંડાને મુકો.
તેમજ થોડા દિવસના અંતરે જંતુનાશક દવાનો છંટકાવ કરો. જેથી છોડમાં જીવાત ન પડે. આશરે પાંચથી સાત અઠવાડિયા પછી તલ ઉગવાની શરુઆત થશે. ( આ માહિતી માત્ર જાણકારી માટે આપવામાં આવે છે.આ અંગે કૃષિ નિષ્ણાતોની સલાહ લેવી )