Plant In Pot : ઘરે કિચન ગાર્ડનમાં ઉગાડો દ્રાક્ષ, અપનાવો આ સરળ ટીપ્સ , જુઓ તસવીરો
વર્તમાન સમયમાં મોટાભાગના લોકોને કિચન ગાર્ડન કરવામાં છોડ ઉગાડવાનો શોખ હોય છે. ત્યારે આપણે કિચન ગાર્ડનમાં ઘણા એવા છોડ ઉગાડી શકીએ. તો આજે જાણીએ કે ઘરે દ્રાક્ષ કેવી રીતે ઉગાડી શકાય છે.
દ્રાક્ષ માત્ર સ્વાદમાં જ સ્વાદિષ્ટ નથી હોતી. પરંતુ તે સ્વાસ્થ્ય માટે પણ ખૂબ જ ફાયદાકારક છે. આજે અમે તમને એક એવી રીત જણાવીશું. જેની મદદથી તમે ઘરે કૂંડામાં સરળતાથી દ્રાક્ષ ઉગાડી શકો છો.
ઘરે કૂંડામાં દ્રાક્ષ ઉગાડવા માટે સૌથી પહેલા એક મોટું કૂંડુ લો. તેમાં માટી, રેતી અને યોગ્ય પ્રમાણમાં છાણિયુ ખાતર ઉમેરીને બરાબર મિક્સ કરો. ત્યારબાદ તમે બીજ દ્વારા અથવા કટીંગ દ્વારા પણ દ્રાક્ષ ઉગાડી શકો છો.
દ્રાક્ષના વેલાને ઉગાડવા માટે માટીમાં 3-4 ઈંચ ઉંડાઈએ બીજ ઉગાડો અથવા તો નર્સરીમાંથી સારી ગુણવત્તાનો વેલો લાવીને મુકો. ત્યારબાદ તેના પર માટી નાખો. આ કૂંડાને સૂર્યપ્રકાશ મળે તેવી જગ્યાએ મુકો.
જો તમે બીજમાંથી દ્રાક્ષનો વેલો ઉગાડો જશો તો 2 થી 8 અઠવાડિયામાં અંકુરિત થાય છે. આ વેલાને 7 થી 8 કલાક સૂર્યપ્રકાશ મળવો જોઈએ. ત્યારબાદ આ વેલાને દોરડાની મદદથી બાંધી દો.
દ્રાક્ષના વેલા પર લીમડાના તેલનો છંટકાવ કરો. તેમજ દર મહિને છાણિયું ખાતર ઉમેરવાનું રાખો. અંદાજે 1 વર્ષ પછી આ વેલા પર દ્રાક્ષ ઉગશે. ( આ માહિતી માત્ર જાણકારી માટે આપવામાં આવે છે.આ અંગે કૃષિ નિષ્ણાતોની સલાહ લેવી )